دۇنيەجۇزىلىك دەنساۋلىق ساقتاۋ ۇيىمى COVID-19 ۆيرۋسىنىڭ PJ.2.1 دەپ اتالاتىن جاڭا نۇسقاسىنىڭ تارالۋىن ءجىتى قاداعالاپ وتىر، دەپ حابارلايدى “ادىرنا”.
ريا اگەنتتىگىنىڭ حابارلاۋىنشا، PJ.2.1 نۇسقاسىنىڭ تارالۋ ۇلەسى اقش پەن كانادادا ارتىپ كەلەدى. ەۋروپا ەلدەرىندە دە ۆيرۋستىڭ وسى ءتۇرىن جۇقتىرۋدىڭ جەكەلەگەن جاعدايلارى تىركەلگەن. الايدا ازىرگە ولاردىڭ سانى از.
ددۇ وكىلدەرى ۆيرۋستىڭ تارالۋ قارقىنى ءار ەلدە ءارتۇرلى ەكەنىن اتاپ ءوتتى. سونىمەن قاتار PJ.2.1 نۇسقاسىنىڭ كوبەيۋى SARS-CoV-2 ۆيرۋسىنىڭ جالپى بەلسەندىلىگىنىڭ تۇراقتى وسۋىنە اكەلمەگەن.
ايتا كەتەيىك، نەمىس عالىمدارى قازان ايىنىڭ باسىندا كوروناۆيرۋسىنىڭ PJ.2.1 نۇسقاسىنا قاتىستى زەرتتەۋ جاريالاعان. جاڭا نۇسقا العاش رەت 2026 جىلدىڭ مامىرىندا كانادادا انىقتالعان. كەيىن اقش پەن يسپانيادا دا تىركەلگەن.
زەرتتەۋ دەرەكتەرىنە سايكەس، بۇل نۇسقا 60 جاستان اسقان ادامدار اراسىندا جيىرەك كەزدەسەدى. ماماندار حالىقارالىق ساپارلارعا بايلانىستى ۆيرۋستىڭ وزگە ەلدەرگە تارالۋ قاۋپى ساقتالىپ وتىرعانىن ەسكەرتەدى.
