سەمەي قالاسىنىڭ سايلانعان جاڭا اكىمىنىڭ ەسىمى جاريالاندى

اباي وبلىسى سەمەي قالاسىندا 12 قازاندا وتكەن اكىم سايلاۋىنىڭ قورىتىندىسى جاريالاندى، دەپ حابارلايدى "ادىرنا" ۇلتتىق پورتالى.

اۋماقتىق سايلاۋ كوميسسياسىنىڭ مالىمەتىنشە، سايلاۋشىلار تىزىمىنە 220 761 ازامات ەنگىزىلگەن. ونىڭ ىشىندە 118 553 ادام داۋىس بەرۋگە قاتىسقان. جارامسىز دەپ تانىلعان بيۋللەتەندەر سانى – 2482, ال «بارلىعىنا قارسىمىن» دەگەن تاڭبا قويىلعان بيۋللەتەندەر – 4310.

سايلاۋ ناتيجەسى بويىنشا كانديداتتاردىڭ العان داۋىستارى مىناداي:

• بەكجاساروۆ ا.ق. – 9 763 داۋىس;

• قوجانباەۆ ءا.ن. – 89 441 داۋىس;

• تولەۋوۆ ق.م. – 12 557 داۋىس.

وسىلايشا، سەمەي قالاسىنىڭ اكىمى بولىپ قوجانباەۆ ادىلەت نۇرساعاتۇلى سايلاندى. ول 1980 جىلى تۋعان، بۇعان دەيىن اباي وبلىسى كوكپەكتى اۋدانىنىڭ اكىمى قىزمەتىن اتقارعان. قوجانباەۆ ءوزىن-ءوزى ۇسىنۋ تارتىبىمەن سايلاۋعا قاتىسقان.

اۋماقتىق سايلاۋ كوميسسياسى داۋىس بەرۋ پروتسەسى زاڭعا ساي وتكەنىن جانە سايلاۋ ناتيجەلەرى رەسمي تۇردە بەكىتىلگەنىن حابارلادى.