اقش جاعالاۋ كۇزەتى ماسساچۋسەتس شتاتىنداعى نانتاكەت ارالى ماڭىندا جوعالعان سانيتارلىق اۆياتسيا ۇشاعىنداعى التى جولاۋشىنى ىزدەۋ جۇمىستارىن ەكى كۇننەن كەيىن توقتاتتى. بۇل تۋرالى Report جازدى، دەپ حابارلايدى «ادىرنا» ءتىلشىسى.
«جاعالاۋ كۇزەتى نانتاكەت ارالى جاعالاۋىندا جوعالعان مەديتسينالىق تاسىمال ۇشاعىنداعى التى جولاۋشىنى ىزدەۋدى توقتاتتى. ۇشاق بورتىندا التى ادام بولعان، ولاردىڭ تورتەۋى — كانادا ازاماتتارى، ەكەۋى — بەرمۋد ارالدارىنىڭ ازاماتتارى. قازا تاپقانداردىڭ تۋىستارىنا حابار بەرىلدى»، – دەلىنگەن اقش جاعالاۋ كۇزەتىنىڭ مالىمدەمەسىندە.
مالىمەتكە سايكەس، قۇتقارۋ قىزمەتتەرى شامامەن 66 ساعات بويى اۋماعى 7,1 مىڭ شارشى شاقىرىمدى قامتيتىن وڭىردە ىزدەۋ جۇمىستارىن جۇرگىزگەن.
ەسكە سالساق، بەرمۋد ارالدارىنان بوستون قالاسىنا باعىت العان Gulfstream G100 سانيتارلىق اۆياتسيا ۇشاعىمەن بايلانىس 3 قازان كۇنى تاڭەرتەڭ ەرتە ۇزىلگەن بولاتىن. كەيىنىرەك اۋە كەمەسىنىڭ سىنىقتارى تابىلدى.
