رەسەيلىك كاسىپكەر، Wildberries كومپانياسىنىڭ نەگىزىن قالاۋشى تاتيانا كيم باس ديرەكتور قىزمەتىنەن كەتتى، دەپ حابارلايدى “ادىرنا”.
بۇل تۋرالى رەسەيدىڭ زاڭدى تۇلعالاردىڭ بىرىڭعاي مەملەكەتتىك تىزىلىمىندەگى مالىمەتتە كورسەتىلگەن.
ربك باسىلىمىنىڭ حابارلاۋىنشا، 19 قاراشادان باستاپ كومپانيانىڭ باس ديرەكتورى قىزمەتىنە الەكسەي كۋليكوۆ تاعايىندالعان.
RWB كومپانيالار توبىنىڭ ءباسپاسوز قىزمەتى «يزۆەستيا» باسىلىمىنا بەرگەن تۇسىنىكتەمەسىندە باسشىلىق قۇرامداعى وزگەرىس Wildberries-ءتىڭ كۇندەلىكتى جۇمىسىنا اسەر ەتپەيتىنىن مالىمدەگەن. ال تاتيانا كيم كومپانيانىڭ ستراتەگيالىق دامۋىنا جاۋاپتى بولىپ قالا بەرەدى.
DW باسىلىمىنىڭ مالىمەتىنشە، 16 قاراشادا ەۋروپالىق وداق تاتيانا كيمدى سانكتسيالىق تىزىمگە ەنگىزگەن. ەو وكىلدەرى مۇنداي شەشىمدى Wildberries كومپانياسىنىڭ رەسەيدەگى ءىرى سالىق تولەۋشىلەردىڭ ءبىرى ەكەنىمەن بايلانىستىرعان. سونداي-اق كومپانيا رەسەي قارۋلى كۇشتەرىن جابدىقتاۋ جۇيەسىنە قاتىسىپ، اسكەري جانە قوس ماقساتتا پايدالانىلاتىن تاۋارلاردىڭ ساتىلۋىنا ىقپال ەتەدى دەپ ايتقان.
