فوتو: جي
قىرعىزستاندا 2024 جىلى بىشكەك ماڭىندا بولعان اسكەري تىكۇشاق اپاتىنا بايلانىستى اۋە قورعانىسى كۇشتەرىنىڭ بۇرىنعى قولباسشىسى مەن اۋە بازاسىنىڭ ەكس-كومانديرى قاماۋعا الىندى، دەپ حابارلايدى "ادىرنا" ۇلتتىق پورتالى.
بىشكەكتىڭ ءبىرىنشى مامىر اۋداندىق سوتىنىڭ قاۋلىسىمەن بۇرىنعى ەكى اسكەري كوماندير 2026 جىلعى 19 جەلتوقسانعا دەيىن قاماۋعا الىنعان.
ولارعا قىرعىزستان قىلمىستىق كودەكسىنىڭ 401-بابىنىڭ 3-بولىگى بويىنشا ايىپ تاعىلدى. اتالعان باپ ۇشۋ نەمەسە وعان دايىندىق قاعيدالارىن بۇزىپ، ابايسىزدا اسا اۋىر زارداپتارعا اكەپ سوعۋ ارەكەتىن قاراستىرادى.
ەسكە سالايىق، 2024 جىلعى 17 قاڭتاردا بىشكەك ماڭىنداعى فرۋنزە-1 اۆياتسيالىق بازاسىندا وقۋ-جاتتىعۋ ۇشۋى كەزىندە قىرعىزستان اۋە قورعانىسى كۇشتەرىنىڭ اسكەري تىكۇشاعى اپاتقا ۇشىراعان. سالدارىنان ءبىر ادام قازا تاپقان.
