قىرعىزستاننىڭ جالپى ءبىلىم بەرەتىن مەكتەپتەرىندە 2026–2027 وقۋ جىلى 15 قىركۇيەكتە باستالادى. مۇنداي شەشىمدى ەلدىڭ اعارتۋ مينيسترلىگى قابىلدادى، دەپ حابارلايدى “ادىرنا” ۇلتتىق پورتالى 24.kg سايتىنا سىلتەمە جاساپ.
مينيسترلىكتىڭ مالىمەتىنشە، مۇنداي شەشىم دۇنيەجۇزىلىك كوشپەندىلەر ويىندارىنىڭ، شانحاي ىنتىماقتاستىق ۇيىمى مەملەكەتتەرى ءسامميتىنىڭ وتكىزىلۋىنە، سونداي-اق قىرعىز رەسپۋبليكاسى تاۋەلسىزدىگىنىڭ 35 جىلدىعىن مەرەكەلەۋگە بايلانىستى قابىلدانعان.
وقۋ باعدارلامالارى مەن وقۋ جوسپارلارىن تولىق ورىنداۋ ءۇشىن مەكتەپتەردەگى وقۋ پروتسەسىن ۇيىمداستىرۋعا وزگەرىستەر ەنگىزىلدى.
جوعارى سىنىپ وقۋشىلارى ءۇشىن وقۋ جىلى بارىسىندا قوسىمشا سەگىز وقۋ سەنبىسى ۇيىمداستىرىلادى. ساباقتار سەنبى كۇنى شامامەن ايىنا ءبىر رەت وتكىزىلمەك.
كەي سەنبىلەردە ساباق وتەتىنى تۋرالى شەشىمدى مۇعالىمدەر مەن اتا-انالاردىڭ ۇسىنىستارىن ەسكەرە وتىرىپ قابىلداۋ ۇسىنىلادى.
