قازىرگى ۋاقىتتا XXI عاسىردىڭ تالابىنا ساي تۇلعا بولىپ قالىپتاسىپ، ماقساتىڭا جەتۋ ۇلكەن ءبىلىمدى قاجەت ەتەدى،سونىڭ ىشىندە ساپالى ءبىلىم الۋ.ءار ادام ءوز جانىنا جاقىن ماماندىقتى تاڭداپ،سول سالادا ۇنەمى ءوزىن جەتىلدىرىپ دامىتا وتىرۋ كەرەك.
ماماندىق – بۇل ءار جەكە ادامنىڭ بولاشاعى. جوعارى ءبىلىم بەرءۋدىڭ نەگىزگى ماقساتى – بولاشاق ماماندى تەك قانا بىلىممەن جانە تەوريامەن قارۋلاندىرىپ قانا قويماي، سونىمەن قاتار ءار بولاشاق ماماننىڭ جەكە رۋحانيلىعى، جەكە شىعارماشىلىق قابىلەتتىنىڭ جەتىلۋىن،كاسىبي مادەنيەءتىنىڭ قالىپتاسۋىنا كوڭىل ءبولىنىپ جانە دامۋىنا مۇمكىندىك جاسالۋدا. ستۋدەنتتى تەك بولاشاق مامان رەتىندە عانا قاراماي، ونى قازاق قوعامىنىڭ ازاماتى، شىعارماشىلىق تۇلعا,كەلەشەكتىڭ يەسى مەن تىرەگى رەتىندە تانۋ. ال بولاشاق مامانداردى وسى جوعارىدا ايتىلعان قاسيەتتەرگە ساي دايىنداۋ،ونىڭ كاسىبي قۇزىرەتتىلىگىنە سايكەس ءبىلىم بەرۋدەن باستالادى.
مەن، ءال-فارابي اتىنداعى قازاق ۇلتتىق ۋنيۆەرسيتەتىنىڭ «فيلوسوفيا جانە ساياساتتانۋ»فاكۋلتەتىندە، «الەۋمەتتىك پەداگوگيكا جانە ءوزىن-ءوزى تانۋ» ماماندىعىنىڭ ماگيستراتۋراسىندا ءبىلىم الۋ جولىندامىن. بۇل تۇرعىدا ءوز ماماندىعىممەن ماقتانا الامىن جانە پەداگوگيكا مەن ءبىلىم بەرۋ مەنەدجمەنءتى كافەدراسىنىڭ پروفەسسور-وقىتۋشىلارى بولاشاقتا كاسىبي الەۋمەتتىك پەداگوگتىڭ دايارلاۋىنا ايانباي ەڭبەك ەتىپ،ساپالى ءبىلىم بەرىپ،ماماندىققا دەگەن قىزىعۋشىلىقتى ودان ءارى ارتتىرىپ جۇرگەن پروفەسسور-وقىتۋشىلارىم پ.ع.ك.، -ق.ش.مولداسان،پ.ع.ك.،-ب.ا ءارىنوۆا، پ.ع.ك-ا.م.كۇدايبەرگەنوۆا، پ.ع.ك.،ا.م.تەكەسباەۆا جانە باسقا دا ءبىلىم بەرىپ جۇرگەن ۇستازدارىما العىسىم شەكسىز. ءبىلىم الۋشىلارعا جوعارى دەڭگەيدە، ءتۇرلى جاڭا ادىس–تاسىلدەرمەن، شىعارماشىلىق باعىتتا ءبىلىم بەرۋدەن جالىققان ەمەس. قازۇۋ-ءنىڭ تاراپىنان ستۋدەنتتەر ءۇشىن ءبىلىم الۋىنا لايىقتى جاعدايلار جاسالعان.
الەۋمەتتىك پەداگوگ – ءار ءتۇرلى الەۋمەتتىك مادەني ورتادا بالالارمەن، وتباسىمەن، قارتتارمەن، مۇمكىندىگى شەكتەۋلى جاندارمەن تىعىز جۇمىس جاسايدى. الەۋمەتتىك پەداگوگيكا – پەداگوگيكا عىلىمىنىڭ ءبىر سالاسى،ەڭ باستى ماقساتى ءار ءتۇرلى جاستاعى جانە ءار ءتۇرلى الەۋمەتتىك توپتارداعى ادامدارعا الەۋمەتتىك تاربيە بەرۋ ارقىلى ولاردى الەۋمەتتەندىرۋدى كوزدەيدى. وسى سالادا جوعارعى وقۋ ورنىندا الەۋمەتتىك پەداگوگتاردى دايارلاۋدا پەداگوگيكالىق پراكتيكامدى ءوزىمنىڭ عىلىمي جەتەكشىم پ.ع.ك.،-ق.ش.مولداسان وقىتۋشىمەن بىرگە «ءالەۋمەتتىك پەداگوگيكا» ماماندىعىنىڭ 4 كۋرس ستۋدەنتەرىنە جۇرگىزۋدەمىن. عىلىمي جەتەكشىم پ.ع.ك.، -ق.ش.مولداسان بولاشاق مامانداردى دايارلاۋدا مەنىمەن ءوز تاجىريبەسىمەن پراكتيكا جۇزىندە بولىسۋدە. مەنى عىلىمي پراكتيكالىق ءىس-ارەكەتكە دايارلاۋدا،جوعارعى وقىتۋ ورنىنداعى وقۋ-تاربيە پروتسەسىن جۇزەگە اسىرۋعا جانە ارنايى پاندەردى وقىتۋداعى داعدىلاردى ۇيرەتۋدە.
الەمگە ايگىلى ويشىل، فيلوسوف، ماتەماتيك، استرونوم، بوتانيك، لوگيكا زەرتتەۋشىسى ءابۋ ناسىر ءال-فارابي: «ادامعا ەڭ ءبىرىنشى ءبىلىم ەمەس، تاربيە كەرەك. تاربيەسىز بەرىلگەن بىلىم – ادامزاتتىڭ قاس جاۋى، ول كەلەشەكتە ونىڭ ومىرىنە قاۋىپ اكەلەدى» دەگەن ەكەن. وسى ورايدا ءبىزدىڭ اتا-بابالارىمىز تاربيەنىڭ ورنى بولەك ەكەنىن جاقسى بىلگەن. ويتكەنى ۇرپاققا ۇلگىلى تاربيە بەرە الۋ – قوعامنىڭ ءوزىن، ەلدىڭ تىرەگىن قالىپتاستىرۋ. سونىڭ ىشىندە بالاعا ونەگەلى ءتارتىپ پەن قۇقىقتىق تاربيە بەرە ءبىلۋ – ولشەۋى جوق قازىنا. وسىعان وراي قازۇۋ الەۋمەتتىك پەداگوگ مامانىنا ساپالى ءبىلىم الۋعا جانە ءوز سالاسىندا كاسىپقوي مامان بولۋعا مۇمكىندىك بەرەدى.
مۇراتوۆا گۇلسارا،
قازۇۋ-نىڭ «الەۋمەتتىك پەداگوگيكا
جانە ءوزىن-ءوزى تانۋ» ماماندىعىنىڭ
1 كۋرس ماگيسترانتى
عىلىمي جەتەكشى
پ.ع.ك. مولداسان ك.ش
