Qazirgi ýaqytta XXI ǵasyrdyń talabyna saı tulǵa bolyp qalyptasyp, maqsatyńa jetý úlken bilimdi qajet etedi,sonyń ishinde sapaly bilim alý.Ár adam óz janyna jaqyn mamandyqty tańdap,sol salada únemi ózin jetildirip damyta otyrý kerek.
Mamandyq – bul ár jeke adamnyń bolashaǵy. Joǵary bilim berýdiń negizgi maqsaty – bolashaq mamandy tek qana bilimmen jáne teorııamen qarýlandyryp qana qoımaı, sonymen qatar ár bolashaq mamannyń jeke rýhanılyǵy, jeke shyǵarmashylyq qabilettiniń jetilýin,kásibı mádenıetiniń qalyptasýyna kóńil bólinip jáne damýyna múmkindik jasalýda. Stýdentti tek bolashaq maman retinde ǵana qaramaı, ony qazaq qoǵamynyń azamaty, shyǵarmashylyq tulǵa,keleshektiń ıesi men tiregi retinde taný. Al bolashaq mamandardy osy joǵaryda aıtylǵan qasıetterge saı daıyndaý,onyń kásibı quzyrettiligine sáıkes bilim berýden bastalady.
Men, Ál-Farabı atyndaǵy Qazaq Ulttyq ýnıversıtetiniń «fılosofııa jáne saıasattaný»fakýltetinde, «áleýmettik pedagogıka jáne ózin-ózi taný» mamandyǵynyń magıstratýrasynda bilim alý jolyndamyn. Bul turǵyda óz mamandyǵymmen maqtana alamyn jáne pedagogıka men bilim berý menedjmenti kafedrasynyń professor-oqytýshylary bolashaqta kásibı áleýmettik pedagogtiń daıarlaýyna aıanbaı eńbek etip,sapaly bilim berip,mamandyqqa degen qyzyǵýshylyqty odan ári arttyryp júrgen professor-oqytýshylarym p.ǵ.k., -Q.Sh.Moldasan,p.ǵ.k.,-B.A Árinova, p.ǵ.k-A.M.Kudaıbergenova, p.ǵ.k.,A.M.Tekesbaeva jáne basqa da bilim berip júrgen ustazdaryma alǵysym sheksiz. Bilim alýshylarǵa joǵary deńgeıde, túrli jańa ádis–tásildermen, shyǵarmashylyq baǵytta bilim berýden jalyqqan emes. QazUÝ-niń tarapynan stýdentter úshin bilim alýyna laıyqty jaǵdaılar jasalǵan.
Áleýmettik pedagog – ár túrli áleýmettik mádenı ortada balalarmen, otbasymen, qarttarmen, múmkindigi shekteýli jandarmen tyǵyz jumys jasaıdy. Áleýmettik pedagogıka – pedagogıka ǵylymynyń bir salasy,eń basty maqsaty ár túrli jastaǵy jáne ár túrli áleýmettik toptardaǵy adamdarǵa áleýmettik tárbıe berý arqyly olardy áleýmettendirýdi kózdeıdi. Osy salada joǵarǵy oqý ornynda áleýmettik pedagogtardy daıarlaýda pedagogıkalyq praktıkamdy ózimniń ǵylymı jetekshim p.ǵ.k.,-Q.Sh.Moldasan oqytýshymen birge «áleýmettik pedagogıka» mamandyǵynyń 4 kýrs stýdenterine júrgizýdemin. Ǵylymı jetekshim p.ǵ.k., -Q.Sh.Moldasan bolashaq mamandardy daıarlaýda menimen óz tájirıbesimen praktıka júzinde bólisýde. Meni ǵylymı praktıkalyq is-áreketke daıarlaýda,joǵarǵy oqytý ornyndaǵy oqý-tárbıe proesin júzege asyrýǵa jáne arnaıy pánderdi oqytýdaǵy daǵdylardy úıretýde.
Álemge áıgili oıshyl, fılosof, matematık, astronom, botanık, logıka zertteýshisi Ábý Nasyr ál-Farabı: «Adamǵa eń birinshi bilim emes, tárbıe kerek. Tárbıesiz berilgen bilim – adamzattyń qas jaýy, ol keleshekte onyń ómirine qaýip ákeledi» degen eken. Osy oraıda bizdiń ata-babalarymyz tárbıeniń orny bólek ekenin jaqsy bilgen. Óıtkeni urpaqqa úlgili tárbıe bere alý – qoǵamnyń ózin, eldiń tiregin qalyptastyrý. Sonyń ishinde balaǵa ónegeli tártip pen quqyqtyq tárbıe bere bilý – ólsheýi joq qazyna. Osyǵan oraı QazUÝ áleýmettik pedagog mamanyna sapaly bilim alýǵa jáne óz salasynda kásipqoı maman bolýǵa múmkindik beredi.
Muratova Gúlsara,
QazUÝ-nyń «áleýmettik pedagogıka
jáne ózin-ózi taný» mamandyǵynyń
1 kýrs magıstranty
Ǵylymı jetekshi
p.ǵ.k. Moldasan K.Sh
