2023 jyldan berı elımızde «Bılım berudegı özgerısterdıŋ 1000 köşbasşysy» strategiialyq jobasy ıske asyryluda. Memleket basşysynyŋ tapsyrmasy boiynşa jüzege asyp jatqan joba basqaruşylardyŋ jaŋa buynyn qalyptastyruǧa baǧyttalǧan.
Prezidenttık jastar kadr rezervınıŋ ülgısınde jasalǧan joba nätijesınde 2023-2024 jyldary 583 pedagog rezervist atandy. Onyŋ 400-den astamy basşylyq qyzmetke konkurssyz taǧaiyndalsa, 40 direktor bügınde «Keleşek mektepterı» Ūlttyq jobasy aiasynda aşylǧan mektepterdı basqaryp otyr. Osylaişa, Qazaqstandaǧy mektep direktorlarynyŋ tapşylyǧy üş esege qysqardy.
Joba jalǧasyn tauyp 2025 jyly taǧy 428 ümıtker oqudan öttı. NZM Pedagogikalyq şeberlık ortalyǧynda mektep direktorlarynyŋ orynbasarlaryn oqytu 21 şıldede bastalyp 12 qyrküiekte aiaqtaldy. Bılım berudegı özgerıs köşbasşylary bırneşe kezeŋ boiy ırıktelıp, üş deŋgeide bılıktılıgın arttyrǧan soŋ qorytyndy baǧalauǧa jıberılgen bolatyn.
Baǧdarlama qatysuşylary 15-26 qyrküiek aralyǧynda ötken qorytyndy baǧalaudan ötu üşın refleksivtı esep äzırledı. Onda ümıtkerler alǧan bılımderın täjıribede qoldana bıletının däleldeuı qajet. Atalǧan materialdar belgılengen kriteriilerge säikes tekserılıp, «Nazarbaev Ziiatkerlık mektepterı» DBBŪ Pedagogikalyq ölşeuler ortalyǧynyŋ syrtqy saraptamasyna joldandy. Būl kezeŋnen sättı ötken mamandar kadrlyq rezervke qosylu üşın Oqu-aǧartu ministrlıgı janyndaǧy komissiiamen äŋgımelesuge joldama aldy.
Esterıŋızge sala keteiık, «Bılım berudegı özgerısterdıŋ 1000 köşbasşysy» jobasyn sättı aiaqtaǧan jäne kadr rezervıne kırgen mamandar konkurstyq räsımderden ötpei-aq bırınşı basşynyŋ bos ornyna taǧaiyndalady.
