Bügın Qazaqstan men Orta Aziiadaǧy pedagogikalyq baǧyttaǧy köşbasşy Abai universitetı QS Stars halyqaralyq reitingtık jüiesı boiynşa «Bes Jūldyz» üzdık belgısın ielenıp, özınıŋ pozisiiasyn odan ary nyqtai tüstı. Būl märtebelı marapat elımızdıŋ tūŋǧyş joǧary oqu ornyna akademiialyq, ǧylymi-zertteu, äleumettık qyzmet jäne tiımdı basqaru baǧyttaryndaǧy jetıstıkterı üşın tabys etıldı.
Koreia Respublikasynyŋ Seul qalasyndaǧy Korea universitetınde Aziiadaǧy joǧary bılım ordalary üşın asa äleuettı «QS Higher Ed Summit: Asia Pacific – 2025» sammitınıŋ ötıp jatqanyna bügın üşınşı kün. Osy saltanatty jiyn barysynda Abai universitetı QS Stars jüiesı boiynşa «Bes Jūldyz» üzdık belgısın ielenıp, Qazaqstan joǧary oqu oryndaryna ülken serpılıs äkeldı. Būl märtebelı ataq – «5 Stars» üzdık belgısı universitettıŋ akademiialyq, ǧylymi-zertteu, äleumettık qyzmet jäne tiımdı basqaru baǧyttaryndaǧy jetıstıkterı üşın berılıp otyr.
QS Stars reitingı – joǧary oqu oryndaryn oqytu sapasy, ǧylymi zertteu, tülekterdıŋ jūmysqa ornalasuy, äleumettık jauapkerşılık jäne basqaru tiımdılıgı siiaqty negızgı baǧyttar boiynşa keşendı baǧalaityn halyqaralyq jüie. Būl baǧalau är universitettıŋ bıregei artyqşylyqtaryn aiqyndap, olardyŋ jahandyq bılım keŋıstıgındegı ornyn körsetedı.
Marapat Seul qalasynda ötken QS Stars Award Ceremony räsımınde Abai atyndaǧy QazŪPU Basqarma töraǧasy-Rektor Bolat Tılepke saltanatty türde tabys etıldı. Onda QS Stars jüiesı boiynşa auditten sättı ötken jäne joǧary nätijelerge qol jetkızgen Aziianyŋ üzdık universitetterı ataldy.
– Universitettıŋ keşendı auditten ötuı bızdıŋ myqty jäne älsız tūstarymyzdy aiqyndauǧa ärı damu baǧyttarymyzdy naqtylauǧa mümkındık berdı. Al «Bes Jūldyz» reitingı – halyqaralyq deŋgeide bükıl ūjymymyzdyŋ jüielı, maqsatty jäne qajyrly eŋbegınıŋ moiyndaluynyŋ aiqyn dälelı», – dedı rektor.
Osylaişa, Abai universitetı «Bolaşaq joǧary bılım» sammitınde joǧary nätijege qol jetkızıp, Qazaqstannyŋ joǧary bılım salasynyŋ sapasy men halyqaralyq bäsekege qabılettılıgın taǧy bır märte däleldedı.
Esterıŋızge sala keteiık, bılım berudegı jaŋa tehnologiialar, demografiialyq özgerıster jäne Aziia universitetterınıŋ täjıribesı biylǧy sammittıŋ basty taqyrybyna ainaldy. Paneldık sessiialarda strategiialyq yntymaqtastyq negızı trend retınde qaraldy. Halyqaralyq basqosu qazırgı universitetter üşın geografiialyq ornalasu nemese eldıŋ ekonomikalyq damu deŋgeiı basty närse emes ekenı aiqyndap, ǧalamdyq akademiialyq qauymdastyqty bırıktıretın strategiialyq ärıptestık jelılerı men olardy damytu maŋyzdy ekenın körsettı.
Abai atyndaǧy QazŪPU
Baspasöz qyzmetı
