Astanada syrtqy ıster ministrlıgıne qarasty «Otandastar» qory älemnıŋ türlı elınde ǧylym men innovasiia salasynda tabysty eŋbek etıp jürgen 40-tan astam qazaq ǧalymynyŋ alǧaşqy forumyn ūiymdastyrdy, dep habarlaidy "Adyrna" ūlttyq portaly.
Jiynnyŋ maqsaty — şeteldegı otandas ǧalymdardyŋ täjıribesın Qazaqstannyŋ ǧylymi-innovasiialyq damuyna baǧyttau.
«Otandastar» qorynyŋ prezidentı Daniiar Qadyrov forumnyŋ aşyluynda söz söiledı.
«Bızdıŋ maqsat — Qazaqstandy tek investisiialyq tartymdy el qana emes, şeteldegı qandas ǧalymdar äleuetın körsetu arqyly ǧylymi tartymdy memleket retınde de ılgerıletu», — dedı.
Forum aiasynda medisina, aeroǧaryş, jasandy intellekt, nanotehnologiia jäne basqa salalardyŋ mamandary öz jobalaryn tanystyrdy. Mysaly, AQŞ-tyŋ Boston qalasynan kelgen ǧalym, nanotehnolog Altynbek Mūrat QAZAQ AI jasandy intellekt platformasyn jasap, älemnıŋ tükpır-tükpırınde qazaq ǧalymdarynyŋ äleuetın elge tartu mümkındıgın atap öttı.
Forumǧa qatysqan medisina ǧylymdarynyŋ doktory, psihiatr Qūrmanbek Däuıtqan Qazaqstandaǧy mümkındıgı şekteulı adamdardyŋ psihikalyq densaulyǧy men äielderdıŋ bosanudan keiıngı jai-küiı mäselelerın köterdı. Al halyqaralyq sarapşy Ainūr Noǧaeva şetelde jürgen qazaq ǧalymdarynyŋ elge oraluyna jäne «kerı köş» mäselesıne nazar audardy.
Sonymen bırge, forumǧa Germaniia, İndoneziia, Finliandiia, Oŋtüstık Koreia, Moŋǧoliiadan kelgen ǧalymdar qatysyp, ǧylymi bailanys pen täjıribe almasudy qamtamasyz ettı. Ūiymdastyruşylardyŋ aituynşa, būl basqosu otandyq ǧalymdar men şeteldık qandastar arasyndaǧy yntymaqtastyqty nyǧaityp, ırı ǧylymi jobalardyŋ negızın qoiady.
Forum barysynda ūsynylǧan ǧylymi jobalar men ūsynystar arnaiy jinaqqa toptastyrylyp, memlekettık organdarǧa ūsynym retınde joldanatyn bolady.
