2017 جىلدىڭ 22 قاراشاسى كۇنى 10.00-دە قر ۇلتتىق كىتاپحاناسىندا الماتى قالاسى ءدىن ىستەرى جونىندەگى باسقارمانىڭ قولداۋىمەن "ادىرنا" ۇلتتىق-ەتنوگرافيالىق بىرلەستىگى ەلباسىنىڭ "بولاشاققا باعدار: رۋحاني جاڭعىرۋ" باعدارلاماسىنىڭ اياسىندا، "الاش وردا" ۇكىمەتىنىڭ قۇرىلعانىنا 100 جىل تولۋىنا وراي "الاش وردا: ۇلتتىق يدەيا جانە ءدىن ماسەلەلەرى" اتتى رەسپۋبليكالىق عىلىمي-تاجىريبەلىك كونفەرەنتسيا ۇيىمداستىرادى.
كونفەرەنتسيانىڭ ماقساتى – شوقان ءۋاليحانوۆ، اباي قۇنانباەۆ، شاكارىم قۇدايبەردىۇلى، ءماشھۇر-ءجۇسىپ كوپەەۆتەر باستاپ، ءاليحان بوكەيحانوۆ، مىرجاقىپ دۋلاتوۆ، احمەت بايتۇرسىنۇلى ءتارىزدى الاش قايراتكەرلەرىنىڭ ۇلتتىق يدەيا جانە ءدىن ماسەلەلەرى جايىنداعى وي-تولعامدارىن ورتاعا سالۋ.
الاشتىقتار ۇلتتىق يدەيا، ۇلتتىق قۇندىلىقتار ارقىلى قازاقتى وياتىپ، ۇلتتىق مەملەكەت قۇرۋ ماسەلەسىن قويدى، الەمدىك وركەنيەتكە كىرىگۋدىڭ جولدارى مەن شارتتارىن قاراستىردى. ولار جاستاردىڭ تاريحى مەن تامىرىن تەرەڭ ءبىلىپ، ساپالى ءبىلىم الىپ، كاسىپ يگەرىپ، باي-باقۋاتتى بولۋىن اڭسادى. سول وزەكتى ماسەلەلەر ارادا ءبىر عاسىر ۋاقىت وتسە دە سول قالپىندا ماڭىزدى بولىپ قالىپ وتىر. حانگەلدى ءابجانوۆ، تالاس وماربەكوۆ، سۆەتلانا سماعۇلوۆا، بولاتبەك ناسەنوۆ، ەركىن ەرمۇحانوۆ، شامەك تىلەۋباەۆ جانە ت.ب تاريحشىلار وسى جانە وزگە دە ماڭىزدى تاقىرىپتار اياسىندا ءسوز قوزعايدى.
كونفەرەنتسيانىڭ نەگىزگى ماسەلەلەرى مەن باعىتتارى:
- الاش يدەياسىنىڭ ءمانى جانە قالىپتاسۋ كەزەڭى;
- الاشوردالىقتاردىڭ ۇلتتىق يدەيا جانە ءدىن ماسەلەسىندەگى ۇستانىمدارى;
- الاش يدەيالارىنىڭ بۇگىنگى كۇنمەن تاريحي ساباقتاستىعى.
وتەتىن ورىن: الماتى قالاسى، قر ۇلتتىق كىتاپحاناسى، اباي داڭعىلى 14.
وتەتىن كۇنى: 22 قاراشا، 2017 جىلى.
باستالۋى: ساعات 10:00.
قوسىمشا بايلانىس: +7 702 270 21 02, +7 747 378 72 12
ەلەكتروندى مەكەن-جاي: adyrna@bk.ru
"ادىرنا" ۇلتتىق-ەتنوگرافيالىق پورتالى
