2017 jyldyń 22 qarashasy kúni 10.00-de QR Ulttyq kitaphanasynda Almaty qalasy Din isteri jónindegi basqarmanyń qoldaýymen "Adyrna" ulttyq-etnografııalyq birlestigi Elbasynyń "Bolashaqqa baǵdar: Rýhanı jańǵyrý" baǵdarlamasynyń aıasynda, "Alash Orda" úkimetiniń qurylǵanyna 100 jyl tolýyna oraı "Alash Orda: ulttyq ıdeıa jáne din máseleleri" atty Respýblıkalyq ǵylymı-tájirıbelik konferenııa uıymdastyrady.
Konferenııanyń maqsaty – Shoqan Ýálıhanov, Abaı Qunanbaev, Shákárim Qudaıberdiuly, Máshhúr-Júsip Kópeevter bastap, Álıhan Bókeıhanov, Mirjaqyp Dýlatov, Ahmet Baıtursynuly tárizdi Alash qaıratkerleriniń ulttyq ıdeıa jáne din máseleleri jaıyndaǵy oı-tolǵamdaryn ortaǵa salý.
Alashtyqtar ulttyq ıdeıa, ulttyq qundylyqtar arqyly qazaqty oıatyp, ulttyq memleket qurý máselesin qoıdy, álemdik órkenıetke kirigýdiń joldary men sharttaryn qarastyrdy. Olar jastardyń tarıhy men tamyryn tereń bilip, sapaly bilim alyp, kásip ıgerip, baı-baqýatty bolýyn ańsady. Sol ózekti máseleler arada bir ǵasyr ýaqyt ótse de sol qalpynda mańyzdy bolyp qalyp otyr. Hangeldi Ábjanov, Talas Omarbekov, Svetlana Smaǵulova, Bolatbek Násenov, Erkin Ermuhanov, Shámek Tileýbaev jáne t.b tarıhshylar osy jáne ózge de mańyzdy taqyryptar aıasynda sóz qozǵaıdy.
Konferenııanyń negizgi máseleleri men baǵyttary:
- Alash ıdeıasynyń máni jáne qalyptasý kezeńi;
- Alashordalyqtardyń ulttyq ıdeıa jáne din máselesindegi ustanymdary;
- Alash ıdeıalarynyń búgingi kúnmen tarıhı sabaqtastyǵy.
Ótetin oryn: Almaty qalasy, QR Ulttyq kitaphanasy, Abaı dańǵyly 14.
Ótetin kúni: 22 qarasha, 2017 jyly.
Bastalýy: saǵat 10:00.
Qosymsha baılanys: +7 702 270 21 02, +7 747 378 72 12
Elektrondy meken-jaı: adyrna@bk.ru
"Adyrna" ulttyq-etnografııalyq portaly
