«ادىرنا» ۇلتتىق-ەتنوگرافيالىق بىرلەستىگى ەلباسىنىڭ "بولاشاققا باعدار: رۋحاني جاڭعىرۋ" باعدارلاماسىنىڭ اياسىندا «الاش وردا» ۇكىمەتىنىڭ 100 جىلدىعىنا وراي «ازات رۋحتىڭ الداسپاندارى» اتتى ءداستۇرلى مۋزىكالىق كونتسەرت وتكىزەدى.
ءداستۇرلى مۋزىكالىق كونتسەرتتىڭ ماقساتى – ازاتتىق جولىندا قۇربان بولعان، اتىلعان، اباقتىعا جابىلعان، جەر ايدالعان كومپوزيتورلاردىڭ تاعدىرلى شىعارمالارى مەن تاۋەلسىزدىك، ۇلت تاعدىرى تۋراسىنداعى حالىقتىق ءان-كۇيلەردى ەل نازارىنا ۇسىنۋ. سونىمەن قاتار اتاۋلى شارادا جاس تولقىنعا ءوز تاريحىن تانىتىپ، وتانسۇيگىشتىك قاسيەتتەردى ءسىڭىرۋ ءىسى باستى ماقساتتىڭ ءبىرى بولماق.
كونتسەرتكە جولامان قۇجيمانوۆ، رامازان ستامعازيەۆ، ەرلان تولەۋتاي، ەركىن شۇكىمانوۆ، ارداق يساتاەۆا، تالعات مۇقىشەۆ، امانگەلدى كۇزەۋباي، مۇرات ابۋعازى، ەلزا قارابالينا سەكىلدى ونەرپازدار قاتىسادى.
اتاۋلى كونتسەرت اياسىندا «الاتاۋ» ءداستۇرلى ونەر تەاترىندا «الاش وردانىڭ» 100 جىلدىعىنا ارنالعان قولونەر كورمەسى ۇيىمداستىرىلادى.
وتەتىن ورىن: الماتى قالاسى، «الاتاۋ» ءداستۇرلى ونەر تەاترى.
وتەتىن كۇنى: 22 قاراشا، 2017 جىلى
باستالۋى: ساعات 18:30.
قوسىمشا بايلانىس: +7 702 270 21 02, +7 747 378 72 12
ەلەكتروندى مەكەن-جاي: adyrna@bk.ru
