ۇزاق ءومىر سۇرەم دەسەڭىز...

2672
Adyrna.kz Telegram

د. ا. قوناەۆ ءوز  سوزىندە «ءومىر دەگەن وسى، بۇگىن بار، ەرتەڭ جوقسىڭ. سەن كەتتى ەكەن دەپ ءومىر - وزەن اعىسىن وزگەرتپەيدى” دەپ ايتقان ەدى. ال دارىگەرلەردىڭ ايتۋىنشا، قارتتىققا جەتۋ مەن ۇزاق ءومىر ءسۇرۋ ءۇشىن ادامدار ءوز دەنساۋلىعىنا بالا كەزىنەن سانالى تۇردە قاراۋى كەرەك: تەمەكى شەگۋدەن، الكوگولدى ىشىمدىك ىشۋدەن اۋلاق جانە فيزيكالىق تۇرعىدان بەلسەندى، سالاۋاتتى ءومىر سالتىن ۇستانۋى قاجەت. الايدا، ءسىز قازىر بالا بولماساڭىز دا، ءومىرىڭىزدى ماكسيمۋمعا دەيىن ۇزارتقىڭىز كەلسە، كەلەسى كەڭەستەر ءسىز ءۇشىن وزەكتى بولادى.

برەست ورتالىق اۋدانىنىڭ №2 ءدارىحاناسى ءسىز ءۇشىن ۇزاق ءومىر ءسۇرۋدىڭ 10 ماڭىزدى قۇپياسىن دايىندادى. ولار دەنساۋلىق پەن فيزيكالىق توننىڭ جوعارى دەڭگەيىن قالىپتاستىراتىن دۇرىس ادەتتەر. ادام قالاي ويلاسا، سولاي ول ءوزىن سەزىنەدى دەگەن ەسكى ەرەجە ءالى دە جۇمىس ىستەيدى.

  • رەجيم. ءبىر عاجابى، ادام دەنساۋلىعىن تۇزەگىسى كەلگەندە، دۇرىس ۇيقى جانە دەمالىس رەجيمى بار ورىندارعا، ماسەلەن: ساناتوريلەر، ارنايى كەستەمەن جۇمىس ىستەيتىن دەمالىس ورىندارى مەن پانسيوناتتارعا بارعانى ابزال.
  • ازىق-تۇلىك. كۇندەلىكتى تاماق راتسيونى قالىپتى بولۋى كەرەك. ياعني، ىشەكتىڭ جاقسى جۇمىس جاساۋى ءۇشىن كۇندەلىكتى ءىشىپ جۇرگەن تاعامدارىڭىزدىڭ قۇرامىندا ۆيتاميندەر مەن مينەرالدار، كوپ قانىقپاعان ماي قىشقىلدارى (سكۋمبريا، ساردينا، لوسوس، تۋنتسا، زىعىر تۇقىمدارى، كۇنجىت تۇقىمدارى، جاڭعاقتار مەن تۇقىمدار، ءزايتۇن مايى، اۆوكادو), اشىتىلعان ءسۇت تاعامدارى بولۋى كەرەك.
  • ويلاۋ ارەكەتى. بەلسەندى ينتەللەكتۋالدى ءومىر – ەڭ اۋەلى يكەمدىلىك پەن ويلاۋدىڭ ادەكۆاتتىلىعىن ۇزاق ۋاقىت ساقتاۋدى قاجەت ەتەدى.
  • كوتەرىڭكى كوڭىل-كۇي. ءومىردىڭ قيىندىقتارىنا ءتوزۋدى جەڭىلدەتەتىن وپتيميزم.
  • شىعارماشىلىق, حوببي نەمەسە جاي عانا سۇيىكتى ءىس-ارەكەتتەر پسيحيكالىق بەلسەندىلىك پەن پسيحولوگيالىق جاعدايعا جاعىمدى اسەر ەتەدى.
  • ۇيقى. كۋمۋلياتيۆتى ۇيقىنىڭ بولماۋى دەنساۋلىققا كەرى اسەر ەتەدى. ادام سەرگەك جانە جىگەرلى بولۋ ءۇشىن كەم دەگەندە 6-8 ساعات ۇيقى قاجەت.
  • جامان ادەتتەردەن اۋلاق بولۋ. جامان ادەتتەردەن ارىلۋ ءۇشىن مىڭ قىرىق سىلتاۋ ايتىپ، التىن ۋاقىتىڭىزدى تارىك ەتپەڭىز. ۇزاق مەرزىمدە تەرىس ءىس-ارەكەتتەر جاساۋ دەنساۋلىق اقاۋلارىن تۋدىرادى جانە بولاشاقتا ودان ارىلۋ مۇلدەم قيىنداي بەرەدى. سول سەبەپتى، ادەتكە اينالىپ بارا جاتقانىن سەزگەن ساتتەن-اق، ارتقا شەگىنە بەرىڭىز.
  • فيزيكالىق بەلسەندىلىك. جاياۋ سەرۋەندەۋ جانە باسقا دا فيزيكالىق جاتتىعۋلار بۇكىل كۇن ءۇشىن سەرگەكتىك پەن جاقسى كوڭىل-كۇي سىيلايدى. وڭاي بولۋ ءۇشىن سىزگە ەڭ كوپ راحات اكەلەتىن ءارى ىڭعايلى جاتتىعۋ ءتۇرىن تاڭداڭىز.
  • دەمالىس. شارشاپ-شالدىعىپ ءجۇرىپ جۇمىستى اياقتاۋعا تىرىسۋدىڭ قاجەتى جوق. دەنساۋلىعىڭىزعا زيان كەلتىرمەۋ ءۇشىن كىشكەنە بولسا دا تىنىعىپ، ءوزىڭىزدى وزگە دە دۇنيەلەرمەن الاڭداتقان پايدالى.
  • جاعىمدى، كوڭىلدى جانە تابىستى ادامدارمەن قارىم-قاتىناس، ءار جاڭا كۇننەن راحات الۋ مۇمكىندىگىن مولايتا تۇسەتىنى انىق. سول سەبەپتى اينالاڭىزداعى ادامداردىڭ دا مىنەزىنە ءمان بەرىڭىز.

قورىتىندىلاي كەلە، ءبىر نارسە ايتۋعا بولادى. جاس شاعىڭىزدى ۇزارتۋ جانە ۇزاق ءومىر ءسۇرۋ ءۇشىن دەنساۋلىقتى ساقتاۋ ماڭىزدى، ال بۇل ءۇشىن جوعارىدا اتالعان بارلىق ادىستەر پايدالى!

دينا ليتپين،

«ادىرنا» ۇلتتىق پورتالى

پىكىرلەر