بالانىڭ جوتەلىن قالاي تەز ارادا كەتىرۋگە بولادى؟

31683
Adyrna.kz Telegram

بالانىڭ جوتەلىن قالاي تەز ارادا كەتىرۋگە بولادى؟ 

1. بالانىڭ بولمەسىندە قولايلى جاعداي جاساۋ: سالقىن، ىلعالدى اۋا (بولمە ىشىندەگى ەڭ قولايلى تەمپەراتۋرا 16-18 گرادۋس، ىلعالدىلىعى - 40-60%).

2. بالاعا جىلى كيىم كيگىزىڭىز، بىراق شامادان تىس قىمتاپ كيىندىرۋدىڭ قاجەتى جوق.

3. بالاعا كوبىرەك سۇيىقتىقتى ىشكىزىڭىز. ەگەر بالا ءوزى ىشپەسە نەمەسە سۇيىقتىقتى قابىلداعاننان كەيىن قۇسۋ بايقالسا، شاي قاسىقپەن نەمەسە شپريتسپەن (ينەلەرسىز) ىشكىزىڭىز - بىرنەشە ساعات بويى ءاربىر 5-10 مينۋت سايىن 5-10 مل-دەن . جىلى سۋدىڭ ءوزى – ەم بولادى.

4. 1 مينۋت ىشىندە بالانىڭ تىنىس الۋ جيىلىگىن ساناۋ (تىنىشتىقتا). نورماسى: 0-2 ايلىق بالالاردا – مينۋتىنا 60 رەت، 2-12 ايلىق بالالاردا – مينۋتىنا 50-گە دەيىن، 12 ايلىق- 5 جاسقا دەيىنگى بالالاردا – ءبىر مينۋتتا 40 رەت ء(بىر رەت دەم الۋ-ءبىر رەت دەم شىعارۋ - بۇل ءبىر تىنىس الۋ تسيكلى بوپ سانالادى). ەگەر تىنىس الۋ جيىلىگى جاستىق نورمادان جوعارى بولسا، دارىگەردى شاقىرتۋ قاجەت.

5. قۇرعاق جوتەل بايقالسا، فيزيولوگيالىق ەرىتىندىمەن ينگالياتسيالاردى (2-3 مل) - قاجەتتىلىگىنە قاراي كۇنىنە بىرنەشە رەت جاساۋعا بولادى.

6. جوتەلگە ارنالعان سيروپتاردى بالالارعا (اسىرەسە 2-گە تولماعان بالالارعا) ەشقاشان بەرمەڭىز! بالالار ءۇشىن ەڭ ءتيىمدى جانە قاۋىپسىز ءىس-ارەكەت - بۇل جاي عانا تازا اۋىز سۋ ىشكىزۋ.

7. بالاعا دارىگەردىڭ تاعايىنداۋسىز، اتا-انالار ءوز بەتىمەن ەشقانداي انتيبيوتيكتەردى بەرمەۋ كەرەك! انتيبيوتيكتەر تەك كورسەتىلىمدەر بار بولسا عانا تاعايىندالۋى ءتيىس (جوعارى دەنە تەمپەراتۋراسى + جاستىق نورمالاردان ارتىپ كەتكەن تىنىس جيىلىگى + بالانىڭ وكپەسىندە سىرىلدار ەستىلسە جانە/نەمەسە قان تالداۋىندا نەمەسە رەنتگەنوگراممادا وزگەرىستەر بولسا).

”ادىرنا” ۇلتتىق پورتالى 

پىكىرلەر