Balanyŋ jötelın qalai tez arada ketıruge bolady?
1. Balanyŋ bölmesınde qolaily jaǧdai jasau: salqyn, ylǧaldy aua (bölme ışındegı eŋ qolaily temperatura 16-18 gradus, ylǧaldylyǧy - 40-60%).
2. Balaǧa jyly kiım kigızıŋız, bıraq şamadan tys qymtap kiındırudıŋ qajetı joq.
3. Balaǧa köbırek sūiyqtyqty ışkızıŋız. Eger bala özı ışpese nemese sūiyqtyqty qabyldaǧannan keiın qūsu baiqalsa, şai qasyqpen nemese şprispen (inelersız) ışkızıŋız - bırneşe saǧat boiy ärbır 5-10 minut saiyn 5-10 ml-den . Jyly sudyŋ özı – em bolady.
4. 1 minut ışınde balanyŋ tynys alu jiılıgın sanau (tynyştyqta). Normasy: 0-2 ailyq balalarda – minutyna 60 ret, 2-12 ailyq balalarda – minutyna 50-ge deiın, 12 ailyq- 5 jasqa deiıngı balalarda – bır minutta 40 ret (bır ret dem alu-bır ret dem şyǧaru - būl bır tynys alu siklı bop sanalady). Eger tynys alu jiılıgı jastyq normadan joǧary bolsa, därıgerdı şaqyrtu qajet.
5. Qūrǧaq jötel baiqalsa, fiziologiialyq erıtındımen ingaliasiialardy (2-3 ml) - qajettılıgıne qarai künıne bırneşe ret jasauǧa bolady.
6. Jötelge arnalǧan siroptardy balalarǧa (äsırese 2-ge tolmaǧan balalarǧa) eşqaşan bermeŋız! Balalar üşın eŋ tiımdı jäne qauıpsız ıs-äreket - būl jai ǧana taza auyz su ışkızu.
7. Balaǧa därıgerdıŋ taǧaiyndausyz, ata-analar öz betımen eşqandai antibiotikterdı bermeu kerek! Antibiotikter tek körsetılımder bar bolsa ǧana taǧaiyndaluy tiıs (joǧary dene temperaturasy + jastyq normalardan artyp ketken tynys jiılıgı + balanyŋ ökpesınde syryldar estılse jäne/nemese qan taldauynda nemese rentgenogrammada özgerıster bolsa).
”Adyrna” ūlttyq portaly
Ūqsas jaŋalyqtar
