Ūlytau oblysynyŋ äkımı Dastan Ryspekov «Qazaqstan halqyna» qoǧamdyq qory Qamqorşylyq keŋesınıŋ otyrysyna qatysty. Keŋes barysynda Ūlytau oblysynyŋ bılım beru salasyn damytuǧa arnalǧan «QH «Bılım-İnnovasiia» liseilerınıŋ täjıribesın Ūlytau oblysynyŋ mektepterıne engızu» qaiyrymdylyq jobasy jäne Jäirem kentınde deneşynyqtyru-sauyqtyru keşenın salu mäselelerı qaraldy.
Öŋır basşysy öz sözınde oblysta äleumettık maŋyzy bar bastamalardyŋ jüzege asuyna tūraqty qoldau körsetıp kele jatqan «Qazaqstan halqyna» qoǧamdyq qoryna rizaşylyǧyn bıldırdı.
– Būl joba öŋırımızdegı sapaly bılımge qoljetımdılıktı arttyruǧa, pedagogterdıŋ käsıbi äleuetın nyǧaituǧa jäne oquşylardyŋ bılım deŋgeiın köteruge keŋ mümkındık beredı. Bız öz tarapymyzdan da mektepterdıŋ materialdyq-tehnikalyq bazasyn jaqsartyp, jöndeu jūmystaryn jürgızıp kelemız. Osyndai keşendı jūmystardyŋ nätijesınde qala men auyl mektepterınıŋ damu mümkındıgı artyp, öŋırdegı bılım sapasy jaŋa deŋgeige köterıledı dep senemız. Sondyqtan būl täjıribenı oblys mektepterıne engızuge tolyq qoldau bıldıremız, – dedı öŋır basşysy Dastan Ryspekov.
Keŋes qorytyndysy boiynşa Ūlytau oblysynyŋ Jäirem kentınde «Qazaqstan halqyna» qoǧamdyq qorynyŋ qoldauymen jaŋa deneşynyqtyru-sauyqtyru keşenın salu turaly kelısımge qol jetkızıldı. Jobanyŋ jalpy qūny şamamen 2,4 mlrd teŋgenı qūraidy. Onyŋ 1,7 mlrd teŋgesı «Qazaqstan halqyna» qoǧamdyq qory tarapynan qarjylandyrylsa, qalǧan bölıgı jergılıktı biudjet esebınen jüzege asyrylady.
Jalpy aumaǧy 3250 şarşy metrdı qūraityn zamanaui sport keşenı 6–18 jas aralyǧyndaǧy 600 bala men jasöspırımnıŋ sportpen tūraqty ainalysuyna mümkındık beredı. Nysan paidalanuǧa berılgennen keiın 45 jaŋa jūmys orny aşylady.
Aita ketu kerek, būǧan deiın de «Qazaqstan halqyna» qoǧamdyq qorynyŋ qoldauymen Ūlytau oblysynyŋ Sätbaev qalasy men Jaŋaarqa audanyndaǧy Eraliev auylynda zamanaui sport nysandary salynǧan bolatyn. Būdan bölek, qor öŋırde bılım beru, densaulyq saqtau jäne äleumettık salalardy damytuǧa baǧyttalǧan bırqatar maŋyzdy jobany tabysty jüzege asyryp keledı.
