SpaceX كومپانياسىنىڭ باس اتقارۋشى ديرەكتورى يلون ماسك 2026 جىلعا دەيىن ادامداردى مارسقا جەتكىزۋگە ارەكەت جاسايتىنىن ايتتى. ال NASA عارىشكەرلەردى قىزىل عالامشارعا 2033 جىلى، ماسكتان جەتى جىلدان كەيىن جىبەرمەك، دەپ حابارلايدى «ادىرنا» ۇلتتىق پورتالى.
ماسك 2026 جىلعا دەيىن ادامداردى قىزىل عالامشارعا قوندىرۋ ماقساتىنا جەتەمىن دەپ ۇمىتتەنەنەدى. ول تەحنيكالىق كەدەرگىلەر پروبلەماسىن شەشۋگە ۋاقىت جەتكىلىكتى ەكەنىن ايتتى.
يلون ماسكتىڭ بۇل باستاماسىنا قاتىستى Facebook قولدانۋشىسى تالعات قىرىقباي دالەلدى پىكىر كەلتىرىپتى.
«فوتوداعى سول جاقتاعى ەڭ ۇلكەنى يلون ماسكتىڭ جۇلدىزكەمەسى...
NASA سوعان جەتپەيتىن ءبىر زىمىراننىڭ ءبىر بولىگىن جاساۋ ءۇشىن 5 جىل ۋاقىت جۇمساعان ەكەن. ال ماسك انەۋ ەڭ ۇلكەن جۇلدىزكەمەلەردىڭ ءاربىرىن ءۇش كۇن سايىن جاساپ وتىرماق. سوندايدان 1 000 جۇلدىزكەمە جاساۋ جوسپارىندا بار.
سوسىن ادامزات پەن تىرشىلىكتى كوپعالامشارلى ەتۋ دە ونىڭ ماقساتى.
ەسەپ:
ءار ءۇش كۇن سايىن ءبىر جۇلدىزكەمە جاساپ، جىلىنا 100 جۇلدىزكەمە جاساپ وتىرسا، 10 جىلدا 1 000 جۇلدىزكەمە دايىن بولادى.
ءار جۇلدىزكەمە 100 ادام الىپ جۇرە الادى، ءبىر رەتتە 1 000 كەمە مارسقا 100 مىڭ ادامدى اپارا الادى.
ءبىرىنشى جىلى 100 مەگاتوننا قۇرىلعىلاردى اپارادى.
2024 جىلى العاشقى جىبەرۋ باستالادى.
2026 جىلى ادامداردى جىبەرەدى.
2050 جىلعا دەيىن ول مارسقا 1 ملن ادامدى اپارادى. وسىلايشا جەرگە تاۋەلسىز قالا سالادى.
بيلەت قۇنى العاشىندا بارىپ قايتۋعا 500 مىڭ دوللار شاماسىندا بولماق. كەيىنىرەك 100 مىڭ دوللارعا ءتۇسۋى ىقتيمال دەيدى ولار. سونداي-اق ول جاققا قارىزعا بارۋعا بولادى. ماسقتىڭ ايتۋىنشا، قارىزعا بارىپ، مارستا جۇمىس ىستەپ، قارىزدى وتەۋگە بولادى»، - دەپ جازدى ول.
"ادىرنا" ۇلتتىق پورتالى
