SpaceX kompaniiasynyŋ bas atqaruşy direktory İlon Mask 2026 jylǧa deiın adamdardy Marsqa jetkızuge äreket jasaitynyn aitty. Al NASA ǧaryşkerlerdı Qyzyl ǧalamşarǧa 2033 jyly, Masktan jetı jyldan keiın jıbermek, dep habarlaidy «Adyrna» ūlttyq portaly.
Mask 2026 jylǧa deiın adamdardy Qyzyl ǧalamşarǧa qondyru maqsatyna jetemın dep ümıttenenedı. Ol tehnikalyq kedergıler problemasyn şeşuge uaqyt jetkılıktı ekenın aitty.
İlon Masktyŋ būl bastamasyna qatysty Facebook qoldanuşysy Talǧat Qyryqbai däleldı pıkır keltırıptı.
«Fotodaǧy sol jaqtaǧy eŋ ülkenı İlon Masktyŋ jūldyzkemesı...
NASA soǧan jetpeitın bır zymyrannyŋ bır bölıgın jasau üşın 5 jyl uaqyt jūmsaǧan eken. Al Mask äneu eŋ ülken jūldyzkemelerdıŋ ärbırın üş kün saiyn jasap otyrmaq. Sondaidan 1 000 jūldyzkeme jasau josparynda bar.
Sosyn adamzat pen tırşılıktı köpǧalamşarly etu de onyŋ maqsaty.
Esep:
Är üş kün saiyn bır jūldyzkeme jasap, jylyna 100 jūldyzkeme jasap otyrsa, 10 jylda 1 000 jūldyzkeme daiyn bolady.
Är jūldyzkeme 100 adam alyp jüre alady, bır rette 1 000 keme Marsqa 100 myŋ adamdy apara alady.
Bırınşı jyly 100 megatonna qūrylǧylardy aparady. 2024 jyly alǧaşqy jıberu bastalady. 2026 jyly adamdardy jıberedı. 2050 jylǧa deiın ol Marsqa 1 mln adamdy aparady. Osylaişa jerge täuelsız qala salady. Bilet qūny alǧaşynda baryp qaituǧa 500 myŋ dollar şamasynda bolmaq. Keiınırek 100 myŋ dollarǧa tüsuı yqtimal deidı olar. Sondai-aq ol jaqqa qaryzǧa baruǧa bolady. Masqtyŋ aituynşa, qaryzǧa baryp, Marsta jūmys ıstep, qaryzdy öteuge bolady», - dep jazdy ol.
"Adyrna" ūlttyq portaly
