جامبىل وبلىسىنداعى ەر ادامداردىڭ جانجالى ولىممەن اياقتالدى، دەپ حابارلايدى «ادىرنا» ۇلتتىق پورتالى Polisia.kz سايتىنا سىلتەمە جاساپ.
جامبىل وبلىسى پوليتسيا دەپارتامەنتىنىڭ باستىعى جانات سۇلەيمەنوۆ 2021 جىلعى 9 ماۋسىمدا ساعات 21:20-دا مەركى اۋداندىق پوليتسيا بولىمىنە جەرگىلىكتى تۇرعىن xابارلاسىپ، بەلگىسىز ادامدار ولاردىڭ فازەندالارىنا كەلىپ، بىرەۋى اعاسىنا وق اتقانى تۋرالى ايتتى.
پوليتسەيلەر وقيعا ورنىنا كەلگەن سوڭ شارۋا قوجالىعىنىڭ يەسى مەن جەرگىلىكتى ءۇش تۇرعىننىڭ اراسىندا جانجال تۋىنداعانى، ونىڭ بارىسىندا ەر ادامداردىڭ ءبىرى فازەندا يەسىنە تىركەلگەن تەگىس ۇڭعىلى مىلتىقتان وق اتىپ كەتكەنى انىقتالدى.
الايدا جاراقات العان ەر ادام ولاردى ءوز كولىگىمەن قۋعان، سوقتىعىسۋ بارىسىندا ەكىنشى كولىكتىڭ جۇرگىزۋشىسى جول-كولىك وقيعاسى ورنىندا كوز جۇمىپ، جولاۋشىسى جاراقاتتانعان.
اياعى مەن قولىنان بىتىرا وعىنان جاراقات العان ەر ادام مەركى اۋىلىنداعى اۋداندىق ورتالىق اۋرۋحاناعا جاتقىزىلدى.
جانات سۇلەيمەنوۆ قازىرگى ۋاقىتتا اتالعان وقيعانىڭ بارلىق قاتىسۋشىلارى ۇستالعانىن، سوتقا دەيىنگى تەرگەپ-تەكسەرۋ امالدارى جۇرگىزىلىپ جاتقانىن اتاپ ءوتتى. قاجەتتى ساراپتامالار تاعايىندالدى. ءىستىڭ ءمان-جايى انىقتالىپ جاتىر.
"ادىرنا" ۇلتتىق پورتالى
