ون بالا تۋعان وڭتۇستىك افريكالىق ايەل ءوزىنىڭ ۇرپاقتارىن باعىپ-قاعۋ ءۇشىن قارجىلاي كومەك سۇراپ جاتىر، الايدا شەنەۋنىكتەر ونىڭ بوسانۋىنا بايلانىستى دالەل تابا الماي جاتقان كورىنەدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە بەرىپ.
دۇكەندە مەنەدجەر بولىپ جۇمىس ىستەگەن 37 جاستاعى گوزيام سيتحول بوسانعاننان كەيىن جۇمىس ىستەي المايتىنىن جانە ءومىر سۇرۋگە وعان پامپەرس، بالالار تاعامى، بوتەلكەلەر، كيىم-كەشەك پەن قولما-قول اقشا قاجەت ەتەتىنىن ايتتى.
كۇيەۋى جۇمىسسىز ايەل ەكى ايلىق جۇكتىلىك كەزىندە اقىسىز دەمالىس الىپ، جيناقتارىن تاۋىسقانىن، قازى وعان قارت قايىن ەنەسى كومەكتەسەتىنىن ايتادى.
الايدا شەنەۋنىكتەر سيتحولدىڭ بالا بوسانعانىن دالەلدەيتىن ايعاقتار جەتكىلىكسىز ەكەنىن ايتادى.
الەۋمەتتىك قىزمەتكەرلەر وتباسىنى 2016 جىلدان بەرى تانيتىنىن ايتادى. سول جىلى ول ەگىزدەرى تۋعان. جاقىندا ولار ايەلدىڭ ۇيىنە فاكتىنى دالەلدەۋ ءۇشىن ادام جىبەرەتىنىن حابارلادى.
ايماقتىق گۋبەرناتوردىڭ وكىلى تابو ماسەبە ءوزىنىڭ پروۆينتسياسىنداعى كەز كەلگەن اۋرۋحانادا - مەملەكەتتىك نەمەسە جەكە اۋرۋحانادا 10 نارەستەنىڭ تۋعانى تۋرالى ەشقانداي حابارلاما تىركەلمەگەنىن جانە مۇنداي وقيعانى «جاسىرۋ قيىن» بولاتىنىن ايتتى.
Independent Media باسىلىمىنىڭ گاۋتەنگتەگى ايەلدىڭ ون بالا دۇنيەگە اكەلگەنى تۋرالى حابارلامالارىنان كەيىن گاۋتەنگ پروۆينتسياسى ۇكىمەتى اقپاراتتىڭ راستىعىن انىقتاۋ ءۇشىن پروۆينتسيانىڭ بارلىق اۋرۋحانالارىندا مۇقيات تەكسەرۋ جۇرگىزدى.
«پروۆينتسيانىڭ بىردەن-ءبىر اۋرۋحاناسىندا مۇنداي بالا بوسانۋ تۋرالى اقپارات جوق. ەگەر شىن مانىندە بوسانۋ جايلى اقپارات راس بولىپ شىقسا، بۇل الەمدىك رەكورد بولماق»، - دەدى ءباسپاسوز قىزمەتكەرى.
سيتحولدىڭ كۇيەۋى تەبوگو تسوتەتسي دۇيسەنبىدە كەشكە جۋرناليستەرگە ايەلى جەتى ۇل مەن ءۇش قىز تۋدى دەپ مالىمدەدى.
MailOnline باسىلىمى ايەلدىڭ بوسانعانىن راستاي الماعان، سەبەبى اۋرۋحانانىڭ اتاۋى جاريا ەتىلمەگەن.
«ءبىز اناسى مەن ونىڭ بالالارىن ءالى كورگەن جوقپىز، الايدا ولار 2016 جىلدان بەرى ءبىزدىڭ كليەنتتەرىمىز. ايەل وسىعان دەيىن ەگىزدەر تۋعان»، - دەدى ول.
وڭتۇستىك افريكالىق باق اقپاراتقا قاتىستى ەكىگە ءبولىندى: ءبىرى مۇنىڭ راستىعىن ايتىپ دالەلدەۋگە تىرىسسا، ەندى ءبىرى اقپاراتتىڭ بىردەن جالعان ەكەنىن مالىمدەدى.
باسىلىمنىڭ مالىمەتىنشە، كۇدىك ۇيالاتاتىن نارسە - ايەلدىڭ بوسانعاننان كەيىنگى فوتوسىنىڭ، بالالارىنىڭ سۋرەتىنىڭ جوق ەكەندىگى. Pretoria News جاريالاعان ەرلى-زايىپتىلاردىڭ سۇحباتى ايەلدىڭ بالا بوسانعاننان كەيىن عانا باسىلىمعا جارىق كورگەن.
"ادىرنا" ۇلتتىق پورتالى
