مەحيكو قالاسىنىڭ قۇقىق قورعاۋ ورگاندارىنىڭ قىزمەتكەرلەرى كىسى ءولتىرۋ ءىسى بويىنشا كۇدىككە ىلىنگەن بۇرىنعى قاساپشىنىڭ ۇيىنەن كەم دەگەندە 17 ادامعا تيەسىلى 3,5 مىڭنان استام سۇيەك فراگمەنتتەرىن تاپتى. بۇل تۋرالى 13 ماۋسىمدا ABS NEWS جازدى، دەپ حابارلايدى «ادىرنا» ءتىلشىسى.
قىلمىسكەر ايعاقتاردان ارىلۋ ءۇشىن سۇيەكتەردى كىشكەنە بولىكتەرگە ءبولىپ، ءۇيىنىڭ ەدەنىنىڭ استىنا جاسىرعان.
"تالداۋ ناتيجەلەرى كورسەتكەندەي، تابىلعان سۇيەك فراگمەنتتەرى 17 ادامعا تيەسىلى بولۋى مۇمكىن", — دەپ حابارلادى پوليتسيا.
ايتا كەتەيىك، ەر ادام پوليتسيا قىزمەتكەرىنىڭ ايەلىن ءولتىردى دەگەن كۇدىكپەن ۇستالعان بولاتىن. قازىرگى تاڭدا ماماندار ۋچاسكەنىڭ بۇكىل جەرىن زەرتتەۋدى جوسپارلاپ وتىر.
«ادىرنا» ۇلتتىق پورتالى
