ءبىز نەگە داميمىز؟

3369
Adyrna.kz Telegram
فوتو اشىق اقپارات كوزىنەن الىندى
فوتو اشىق اقپارات كوزىنەن الىندى

ۇيقىدان تۇرا سالا اكەمنىڭ جۇمىسقا بارۋ، انامنىڭ اناۋ تىرلىكتى بۇگىننەن قالدىرماۋ كەرەك دەگەنىن ءجيى ەستيمىن. ورنىمنان تۇرىپ، جۋىنىپ كەلگەن سوڭ ۇيالى تەلەفونىما قاراسام، كاسىپكەرلەردەن باستاپ قاراپايىم جاندارعا دەيىن قىبىر-قىبىر كۇيبەڭ تىرشىلىككە كىرىسىپ، دامۋ كەرەك، ەڭبەك ەتۋ كەرەك دەپ جاتقانىن تاعى تىڭدايمىن. قىسقاسى، الەمنىڭ ءبارى بىردەڭە ىستەۋ كەرەك پەن دامۋدىڭ داڭعىل جولىنا تۇسكەن. مەن دە سولاردىڭ ءبىرىمىن.

البەرت ەينشتەينگە بولاشاقتىڭ ادامدارىنا نە جەتىسپەيدى دەگەندە: ورىندىق دەگەن ەكەن. ورىندىق دەگەنىمىز – ءبىر ءسات ويلانىپ، ءوز-وزىڭە ەسەپ بەرۋ بولسا كەرەك. ال، مەن ورىندىقتىڭ اتى بولۋ كەرەك دەپ ەسەپتەيمىن. مەن ونى – كورونوۆيرۋس دەپ اتار ەدىم. ادامنىڭ وتىرۋدان ومىرتقاسى، جاتۋدان جامباسى اۋىرادى. بۇل جولى اباي قۇنانبايۇلىنىڭ :

ءبىر ءىستى باستاۋ ماڭىزدى، اياقتاۋ ماڭىزدى ەمەس ناقىلىن، قازىرگى جاعدايدا وزگەرتىپ، ەرتەرەك «اياقتاۋ ماڭىزدى» دەپ ەسەپتەيمىن.

قانشا جەردەن ادامزات بالاسى مويىنداعىسى كەلمەگەنىمەن، كورونوۆيرۋستىڭ الاپات زيانى مەن پايداسى قاتار كەلگەنىن شىن ءتۇسىندى. ءتارتىپسىز بەرىلگەن ءبىلىم ادامزاتتىڭ قاس جاۋىنا اينالدى. ادامزاتتىڭ تابيعاتسىز كۇنى جوق ەكەندىگى تاعى دا ناقتىلاندى. ماتەرياليستتىك ازعىن قوعامنىڭ رۋحاني ساۋ قوعامعا اينالۋىنا العىشارت جاسالدى. ەكى اياقتى سانالى تىرشىلىك يەسى جوعالتقان قۇندىلىقتارىن قايتا ىزدەي باستادى. ۋاقىت پەن ەركىندىكتىڭ باعاسى ارتتى. وسى جول الدىندا قۇربان بولعان اسىلدارعا مىڭ تاعزىم. تۇسىنگەن پەندەلەرگە جاقسىلىقتى جاماندىقتان جاساۋعا دەيىنگى سۇراپىل حالگە اپارماۋ كەرەكتىگىن انىق ۇعىندىرعىسى كەلگەندەي سيپات قالدىردى.

ءجا، باستاپقى تاقىرىپقا ورالايىن. سونىمەن، ءبىز نە ءۇشىن داميمىز ؟

كوبىمىزدىڭ بىلۋىمىزشە كۇن جۇيەسىندە 8 پلانەتا بار. سونىڭ ءبىرى – جەر. بۇل ءبىزدىڭ جالپىلاما بۇقارانىڭ بىلەتىن دەرەگى. ال ءدىني جاعىنان قاراستىرساق، 18 مىڭ عالام دەگەن تۇسىنىك بار. عىلىمي جاعىنان قاراستىرساق، عالىمدار پلانەتالاردىڭ ميلليون اساتىنىن ايتادى. بۇعان اعىلشىندىق كوسمولوگ، استورفيزيك ستيۆەن حوكينگتىڭ ەڭبەكتەرىنەن مىسالدار كەلتىرە الامىز. ياعني ءبىز جەر-انا دەپ ەسەپتەيتىن پلانەتا - شەتسىز كەڭىستىك عالامداعى كىشكەنتاي عانا نۇكتە. ەندىگى، ماسەلە مىنادا. بۇگىندە ءتۇپتىڭ تۇبىندە ادامزات بالاسىنا، جەرگە قاۋىپ ءتونىپ زاماننىڭ اقىرى ورناۋى مۇمكىن ەكەندىگىن ءدىن دە، عىلىم دا جوققا شىعارمايدى. وسى جاعدايدا كەز-كەلگەن ادام بالاسىنا جوق دەگەندە ومىرىندە ءبىر رەت:

- ەگەر، سوڭىندا زامان اقىرى بولاتىنى راس بولسا، ءبىزدىڭ ىستەگەن ىزگىلىكتەرىمىزدىڭ، قۇندىلىقتارىمىزدىڭ، مۇرالارىمىزدىڭ ت.ب قۇنى كوك تيىن عوي، ءبارى جويىلادى. وندا، ءبىز نەگە داميمىز؟ ءبىز نەگە دۇرىس ءومىر ءسۇرۋدى تاڭدايمىز؟-دەگەن سان سۇراقتار مازالاۋى ابدەن مۇمكىن.

بۇل سۇراقتار مەنى دە كوپ مازالادى. ايتەۋىر جاۋابىن تاپقانداي بولدىم.  جەكە قورىتىندىم دەپ ەسەپتەرسىزدەر.

نەگىزىنەن، العا دامۋعا ۇمتىلعىشتىقتى عىلىمدا پەرفەكتسيونيزم،-دەپ اتايدى.  ادامزات بالاسى  شەكسىزدىك يدەياسىمەن ءومىر سۇرەدى. وسى كۇنگە دەيىن ادامزات بالاسى قانشاما قاسىرەتتى كەزەڭدەر مەن ىزگىلىكتى كۇندەردى باستان وتكەرگەن. الىسقا بارماي-اق، قازىرگى جاعدايداعى الەم حالقىنىڭ شامىنا تيگەن، زاردابىن تيگىزىپ جاتقان كورونوۆيرۋستى اتاپ وتۋگە بولادى. الەم حالقى بۇل ىندەتتى جەڭىپ شىعاتىندىعىنا انىق سەنىمدىمىز. وسى سەكىلدى جەر شارىنا قاۋىپ تونگەندە نەمەسە بۇل عالامشاردا مۇلدەم تۇرۋعا مۇمكىندىك قالماعان جاعدايدا ادامزات بالاسى كەلەسى قونىسىن تابۋ ءۇشىن بارىن سالادى. جانە قازىرگى جاعدايداعى عارىشتى يگەرۋ، مارسقا ساپار، بۇكىلالەمگە تەگىن عالامتور ورناتۋ، IT دامۋى وسىنىڭ العىشارتتارى. دەمەك، ءسىزدىڭ قايىرىمدىلىق، مەيىرىمدىلىك، ىزدەنىمپازدىق جولىنداعى ءاربىر ءىسىڭىز، ءتىپتى جازعان ءبىر شۋماق ولەڭىڭىز، كرەاتيۆتى يدەياڭىز، ەموتسياڭىز، كوشباسشىلىڭىز، ەڭبەكقورلىڭىز، قىسقاسى جاقسىلىققا ۇمتىلعان بارشا دۇنيەلەرىڭىز – بولاشاقتاعى ادامزات بالاسىنىڭ امان قالۋىنا ۇلەس قوسادى. ارينە، بۇل سۇراققا ءبىر عانا ۇعىممەن جاۋاپ بەرە الماسىمىز انىق. مەكتەپ وقۋشىلارى بۇل ساۋالعا:  بىز بارلىعىنىڭ جاقسى بولعاندىعىن قالايدى.

وسى تۇرعىدا اعايىندى سترۋگاتسكيلەردىڭ : ءبىز دامىعان سايىن جاقسىراق، اقىلدىراق، قايىرىمدىراق بولا تۇسەمىز دەگەنى ويىما ورالدى. ەندەشە، ءتۇيىندى فورمۋلا رەتىندە اياقتاپ كورەيىن. جاقسىلىق+قوزعالىس=شەكسىزدىك بولماق. ەندەشە، ۇلى اباي ايتقانداي، سەن دە ءبىر كىرپىش دۇنيەگە، كەتىگىن تاپ تا، بار قالان.

 

ەرجىگىت ەركەبايۇلى

 

 

 

 

 

 

 

 

 

 

 

 

 

 

 

پىكىرلەر