قىرعىزدار شەگىرتكەدەن ۇن ءوندىرىپ جاتىر

788

جۇرە بەرسەڭ كورە بەرەسىڭ. قىرعىزستاندا جەرگىلىكتى كاسىپكەر شەگىرتكەدەن ۇن وندىرەتىن فەرما اشقان. ۇن ءوندىرۋ ءۇشىن الدىمەن شەگىرتكەنى 30 گرادۋس تەمپەراتۋرادا وسىرەدى ەكەن. بۇل تۋرالى "ادىرنا" ۇلتتىق پورتالى حابارلايدى. 

30 گرادۋس تەمپەراتۋرادا وسكەن بۇل شەگىرتكەلەر كەيىن قۋىرىلىپ، ۇنتاقتالىپ ۇنعا اينالادى.  ۇننىڭ 1 كەلىسى 80 دوللار. شەگىرتكە ۇنى دارۋمەنگە، اقۋىزعا باي، پايدالى ءونىم. سپورتشىلارعا ارنالعان تاعامدار مەن ءتۇرلى نان ءونىمى دايىندالادى.

ادىل گاراپوۆ، فەرما باسشىسى:

– ۇندى ساتىپ العىسى كەلەتىن بىرنەشە كومپانيالارمەن كەلىسسوز جۇرگىزىپ جاتىرمىز. ازىرگە ۇلكەن كولەمدى تاۋارمەن قامتاماسىز ەتە المايمىز. شەگىرتكە ۇنىنان پروتەيندى توقاشتار مەن سپورتتىق تاعامدار نەمەسە سالماق تاستاعىسى كەلەتىندەرگە ارنالعان ارنايى تاعام تۇرلەرىن دايىنداۋعا بولادى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى