بيىل شەگىرتكە زيانكەستەرىمەن كۇرەسۋگە رەسپۋبليكالىق بيۋدجەتتەن 8,1 ملرد تەڭگە ءبولدى. بۇل تۋرالى پرەمەر-مينيستر ولجاس بەكتەنوۆ ايتتى، دەپ حابارلايدى «ادىرنا» ءتىلشىسى.
«فيتوسانيتاريالىق جاعدايعا ەرەكشە نازار اۋدارعان ءجون. شەگىرتكەنىڭ تابيعي تۇردە ەڭ كوپ تارالۋى 2024 جىلعا كەلىپ تۇر. بۇل ماسەلەگە قاتاڭ جاۋاپكەرشىلىكپەن قاراۋ كەرەك. اۋىل شارۋاشىلىعى مينيسترلىگىنە وبلىس اكىمدىكتەرىمەن بىرلەسىپ، زيانكەستەردىڭ تارالۋ ورىندارىن انىقتاۋعا قوسىمشا رەسۋرستاردى جۇمىلدىرۋدى جانە وڭدەۋ جۇمىستارىن باقىلاۋعا الۋدى تاپسىرامىن. كوكتەمگى ەگىس جۇمىستارىن جۇرگىزۋ بويىنشا بارلىق ماسەلەلەر جەدەل شەشىمىن تاۋىپ، تۇراقتى باقىلاۋدا بولۋى ءتيىس»، — دەدى ۇكىمەت باسشىسى.
ايتا كەتەيىك، وتكەن جىلى ەلىمىزدە شەگىرتكەگە قارسى كۇرەسكە 3,8 ملرد تەڭگە بولىنگەن ەدى.
