حالىقارالىق قايتا قۇرۋ بانكى قازاقستانعا 345 ملن ەۋرو قارىز بەرەدى. پارلامەنت ءماجىلىسى "قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى" زاڭ جوباسىن ماقۇلدادى، دەپ حابارلايدى، “ادىرنا” ءتىلشىسى.
“بيىل شىلدەدە 345,7 ملن ەۋرو قارىز تۋرالى كەلىسىمگە 24 تامىزدا قول قويىلدى. قارىز تولىعىمەن بيۋدجەت تاپشىلىعىن قارجىلاندىرۋعا باعىتتالادى. قاراجات رەسپۋبليكالىق بيۋدجەتتە كوزدەلگەن الەۋمەتتىك جانە باسقا دا باسىمدى ماقساتتارعا ارنالعان قارجىنى قوسا العاندا، جالپى بيۋدجەت شىعىستارىن قولداۋعا مۇمكىندىك بەرەدى", - دەدى جاماۋباەۆ ءماجىلىس وتىرىسىندا.
ونىڭ ايتۋىنشا، دۇنيەجۇزىلىك بانكتىڭ قارىزى قازاقستانعان 2,5 جىلدىق جەڭىلدىك كەزەڭىمەن جانە 11,5 جىل وتەۋ مەرزىمىنە بەرىلىپ وتىر.
سىياقى مولشەرلەمەسى ەۋريبور+اينىمالى سپرەد، بىرجولعى كوميسسيا قارىز سوماسىنىڭ 0,25 %-ءىن، رەزەرۆكە قويعانى ءۇشىن كوميسسيا قارىز قاراجاتىنىڭ يگەرىلمەگەن قالدىعىنا جىلدىق 0,25%-ءتى قۇرايدى.
ايتا كەتەيىك، اقشا قارىز تۋرالى كەلىسىم كۇشىنە ەنگەننەن كەيىن بىرىڭعاي ترانش تۇرىندە بولىنەدى.
