ماسكەۋگە شابۋىلداعان ۇشقىشسىز ۇشاق قوندىرعىلارىنىڭ بەينەدەرەكتەرى الەۋمەتىك مەديا مەن جەلىلەردى شارلاپ كەتتى. كادرلاردان تۇرعىنداردىڭ سەكەم الىپ، داۋرىققانى بايقالادى. كوپ ۋاقىت وتپەستەن رەسەي مەملەكەتتىك دۋماسىنىڭ دەپۋتاتى قالاعا شابۋىلداعان درونداردى تۇسىرگەندەردى قىلمىستىق جاۋاپكەرشىلىككە تارتۋدى ۇسىنىپ ۇلگەردى، دەپ حابارلايدى "ادىرنا" ۇلتتىق پورتالى.
ء"ۇيدىڭ تومەنگى قاباتىنا ءتۇسىپ كەتۋگە، ۇيدە كۇتۋگە بولادى عوي. الدىمەن نە ىستەۋ كەرەك؟ 112 نومىرىنە حابارلاسىپ، ۇشقىشسىز ۇشاق قوندىرعىسى كورگەنىڭدى حابارلاۋىڭ كەرەك. مەكەنجاي ايتىلۋى كەرەك. باسقا تۇك ىستەۋدىڭ قاجەتى جوق", - دەدى دۋما دەپۋتاتى اندرەي گۋرۋلەۆ.دەپۋتاتتىڭ سۇراعىن جۋرناليست ءىلىپ اكەتتى. ول دەپۋتاتتان "ال ولاردى ۆيدەوعا تۇسىرۋگە بولا ما؟" دەپ سۇرادى.
- مۇلدەم! قازىر ءبىز مۇنداي ۆيدەو تۇسىرگەندەردى قىلمىستىق جاۋاپكەرشىلىككە تارتۋ تۋرالى زاڭدى قاراستىرىپ جاتىرمىز" - دەدى گۋرۋلەۆ.
"ادىرنا" ۇلتتىق پورتالى
ۇقساس جاڭالىقتار
