ماحامبەتوۆ سەلوسىندا كانالدان قىز بالانىڭ ءمايىتى شىعارىلدى. بۇل تۋرالى قىزىلوردا وبلىسى تجد قوعاممەن بايلانىس توبى جازدى، دەپ حابارلايدى «ادىرنا» ءتىلشىسى.
«202 جىلدىڭ 19 ماۋسىمىندا "112" كەزەكشى-ديسپەتچەرلىك پۋلتىنە 2008 جىلعى قىز بالانىڭ ۇيدەن شىعىپ ورالماعاندىعى تۋرالى حابار قالالىق پوليتسيا باسقارماسىنان كەلىپ ءتۇستى. قىزىلوردا پوليتسيا دەپارتامەنتى، توتەنشە جاعدايلار دەپارتامەنتىنىڭ قىزمەتكەرلەرى مەن ۆولونتيورلەر ىزدەستىرۋ جۇمىسىن اتقاردى. 2021 جىلى 20 ماۋسىمىندا ساعات 13-تەن 30 مينۋت وتكەندە قىزىلوردا قالاسى، ماحامبەتوۆ اۋىلىندا شىركەيلى سۋارۋ كانالىنان جەدەل قۇتقارۋ جاساعىنىڭ كۇشىمەن 2008 جىلى تۋعان ءجاسوسپىرىمنىڭ ءمايىتى (كيىممەن) شىعارىلدى»،— دەلىنگەن حابارلامادا.
وقيعا ورنىنا توتەنشە جاعدايلار دەپارتامەنتى (3 قىزمەتكەر، 11 قۇتقارۋشى، ونىڭ ىشىندە 2 كينولوگيالىق ەسەپ جانە 2 تەحنيكا بىرلىگى، 3 سۋ كولىگى), پوليتسيا دەپارتامەنتىنەن (180 قىزمەتكەر جانە 30 تەحنيكا بىرلىگى، №5547 اسكەري ءبولىمى 100 ادام 4 بىرلىك تەحنيكا), 10 ۆولونتيور شىققان.
«ادىرنا» ۇلتتىق پورتالى
