ۇرپاقتى ەرلىككە بۇلاي باۋلي ما؟ احمەتبەك نۇرسيلا! كەشە عانا دۇنيەدەن وتكەن قابدەش ءجۇمادىلوۆ اعامىز ءبىز باسىنا بارىپ، دۇعا باعىشتاپ جۇرگەن مارقۇمدى بۇل جاتقان قابانباي ەمەس دەگەن ەدى. ەندى ءبىر تاريحشىلار 30-دان استام قابانباي بولعان دەيدى. ال قابانباي جوڭعارلارمەن 103 رەت (ەندى بىرەۋ 111 رەت ) جەكپە-جەككە شىققان دەگەن ناعىز كىسى كۇلەرلىك ءسوز سياقتى. سوندا سونىڭ ءبارىن كىم ساناپ وتىرىپتى، الدە سونىڭ ءبارىن بىرەۋ جازىپ وتىرىپ پا؟ سولاي دەيىن دەسەڭ، سونىڭ ءبارى جارتى پاراق جازبا تاريحى جوق اۋىزەكى اركىم ءارتۇرلى قىرىق قۇبىلتىپ ايتاتىن اۋىزەكى سوزدەر عانا. سوسىن ءبىر عانا ادام 103 مارتە جەكپە-جەككە شىقتى دەيتىندەي جوڭعارلار سول رەگيونعا قانشا مارتە شابۋىل جاساعان دەگەن سۇراق تۋىنداماي ما؟ لوگيكا قايدا؟ مەن قابانباي دەگەن باتىر بولعان جوق دەمەك ەمەسپىن. بىراق قانشا جەردەن ەرلىكتى ناسيحاتتاعانمەن ونىڭ دا بەلگىلى ءبىر شاما-شارقى بولۋى كەرەك. جەلوكپە، بوسپە ءسوز تاريحىمىزدى باسقا ۇلتتاردىڭ كۇلكىسىنە اينالدىرادى.
ءبىر عانا مىسال كەلتىرەيىن. ورىس حالقىنىڭ بۇكىل تاريحى سوعىسپەن وتكەن.ورىستار شۆەدپەن دە، تۇرىكپەن دە، نەمىسپەن دە، ليتۆامەن دە، پولياكپەن دە، موڭعولمەن دە، نوعايمەن دە جۇزدەگەن جىلدار سوعىستى. بىراق سولار كۋتۋزوۆ، سۋۆوروۆ، باگراتيون، ناحيموۆ، پەرەسۆەت، مۋرومەتس سياقتى بىرنەشە تۇلعالاردىڭ عانا ەسىمىن اتايدى. جانە ولاردىڭ ءبارى جازبا تاريحتا دەرەكتەرى بار تۇلعالار. ال بىزدىكى شە؟...بىزدە ءار رۋدان،ءار تايپادان شىققان باتىرلاردى ساناساڭ، جوڭعاردىڭ ءجاي اسكەرىنىڭ سانىنان از ەمەس. سولاردىڭ بىردە-بىرەۋى تۋرالى جارتى پاراق جازبا دەرەك جوق. قىسقاسى، بىزدىكى ءار رۋ،ءار تايپا وزدەرىنەن نەعۇرلىم كوبىرەك باتىر شىعارۋعا باسەكەگە تۇسكەن. ياعني، بىزدىكى رۋشىلدىق، تايپاشىلدىق، جۇزشىلدىك باسەكەلەستىك تاريحى. باياعىدا اباي ايتقان وتىرىك، ماقتانشاقتىق قانا. ال بۇل ۇرپاقتى ەرلىككە، وتانسۇيەرلىككە باۋلۋ ەمەس، كەرىسىنشە، ولاردىڭ ارقايسىسىن ءوز رۋىڭ، وز تايپاسى مەن ءوزىنىڭ ءجۇزىن ماقتان تۇتۋعا ۇگىتتەۋ عانا. بۇل بۇگىنگى دە،ەرتەڭگى دە ۇرپاق ءۇشىن وتە زياندى.
