Urpaqty erlikke bulaı baýlı ma? Ahmetbek Nursıla! Keshe ǵana dúnıeden ótken Qabdesh Jumadilov aǵamyz biz basyna baryp, duǵa baǵyshtap júrgen marqumdy bul jatqan Qabanbaı emes degen edi. Endi bir tarıhshylar 30-dan astam Qabanbaı bolǵan deıdi. Al Qabanbaı jońǵarlarmen 103 ret (endi bireý 111 ret ) jekpe-jekke shyqqan degen naǵyz kisi kúlerlik sóz sııaqty. Sonda sonyń bárin kim sanap otyrypty, álde sonyń bárin bireý jazyp otyryp pa? Solaı deıin deseń, sonyń bári jarty paraq jazba tarıhy joq aýyzeki árkim ártúrli qyryq qubyltyp aıtatyn aýyzeki sózder ǵana. Sosyn bir ǵana adam 103 márte jekpe-jekke shyqty deıtindeı jońǵarlar sol regıonǵa qansha márte shabýyl jasaǵan degen suraq týyndamaı ma? Logıka qaıda? Men Qabanbaı degen batyr bolǵan joq demek emespin. Biraq qansha jerden erlikti nasıhattaǵanmen onyń da belgili bir shama-sharqy bolýy kerek. Jelókpe, bóspe sóz tarıhymyzdy basqa ulttardyń kúlkisine aınaldyrady.
Bir ǵana mysal keltireıin. Orys halqynyń búkil tarıhy soǵyspen ótken.Orystar shvedpen de, túrikpen de, nemispen de, lıtvamen de, polıakpen de, mońǵolmen de, noǵaımen de júzdegen jyldar soǵysty. Biraq solar Kýtýzov, Sývorov, Bagratıon, Nahımov, Peresvet, Mýrome sııaqty birneshe tulǵalardyń ǵana esimin ataıdy. Jáne olardyń bári jazba tarıhta derekteri bar tulǵalar. Al bizdiki she?...Bizde ár rýdan,ár taıpadan shyqqan batyrlardy sanasań, jońǵardyń jáı áskeriniń sanynan az emes. Solardyń birde-bireýi týraly jarty paraq jazba derek joq. Qysqasy, bizdiki ár rý,ár taıpa ózderinen neǵurlym kóbirek batyr shyǵarýǵa básekege túsken. Iaǵnı, bizdiki rýshyldyq, taıpashyldyq, júzshildik básekelestik tarıhy. Baıaǵyda Abaı aıtqan ótirik, maqtanshaqtyq qana. Al bul urpaqty erlikke, otansúıerlikke baýlý emes, kerisinshe, olardyń árqaısysyn óz rýyń, óz taıpasy men óziniń júzin maqtan tutýǵa úgitteý ǵana. Bul búgingi de,erteńgi de urpaq úshin óte zııandy.
