"ابايدى بۇكىل ۇلتتىڭ باس اقىنى دەۋ ءارى كۇنا، ءارى ناداندىق" دەگەن اقىن مىرزان كەنجەباي نەگە قابانباي باتىردىڭ ارۋاعىنا ءھام باتىرلىعىنا شۇيلىكتى؟
قازىرگى الماعايىپ زامان تۋراسىندا وسى تەكتەس كولەڭكەلى اڭگىمەنىڭ وتىن كوسەۋدىڭ ءوزى قيسىنسىز دۇنيە. دەگەنمەن ءيىسى قازاق جەرىندە اعا بۋىن جاستارعا بار اقىلىن شەلەكتەپ قۇيىپ ءھام قولى قالتاسىنا جەتپەي جۇرگەن جۇرت مۇڭىن شاعۋدىڭ ورنىنا كەشەگى ءور نايزاسىنىڭ ۇشىن جاۋ وكپەسىنە قاداعان قابانباي باتىر مەن سياسى تاۋسىلعانشا كوز مايىن اعىزىپ قازاقتىڭ قانىنا سىڭگەن كەمشىلىگىن جىلاپ وتىرىپ جازعان اباي ارۋاقتارىنا ءزىلدى ءسوز تيگىزىپ جۇرگەنى وزەكتەن ورتەيدى.
مىرزان كەنجەباي التىن ۋاقىتىن شىعىن قىلا ابايدى بالاداي سىن ارقانىنا سالعان ماقالا وزەگىندە ءوزىنىڭ جەكە توقتالا كەتكەن ەسكىلىك اقىندارىن ىزبە-ءىز دارىپتەيدى، ياكي قازاق سارىشولاق شايىر بورانبايۇلى، ابۋباكىر كەردەرى، ەسەنگەلدى، اقپان جىراۋلاردى وقىمايدى ءھام ايتپايدى دەپ جازادى. سوندا كەشىرىڭىز، قابانباي باتىردى جۇرت ايتسا رۋشىلدىق، تايپالىق ، جۇزدىلىك ، تابىنۋشىلىق بولادى ەكەن ، ال اتالمىش اقىنداردى ابايدان بيىك قويۋ قانداي ۇعىمعا جاتادى؟! وسىنىڭ ءبارىن سىني كوزقاراسپەن ايتاتىن اعامىزدىڭ وزىنەن ترايبوليزمدىك كوزقاراستىڭ ءيىسى شىعىپ تۇر دەمەسكە شارا جوق.
ءدۇيىم قازاق ەلىنىڭ باتىرى قابانبايدىڭ جاتقان جەرىنە كۇمان كەلتىرىپ ءھام 103 شايقاسقا شىققانىن كىم ساناعان دەيتىندەي نە كۇن تۋدى؟! تەڭەستىرۋگە ەشتەڭە تاپپاعانداي تاريحتى دومبىرانىڭ قۇلاعىنداي شەبەرلىكپەن بۇرمالايتىن سايقال ورىس ۇلتىنىڭ جازبا تاريحىنا زور باعا بەرۋدىڭ تۇپكى ماقساتى قانداي؟! ارنايى تىلگە تيەك ەتسەك، اعامىزعا كۋتۋزوۆ، سۋۆوروۆ، مۋرومەتس باتىرلارىنىڭ شايقاستارى اقيقات كورىنەدى. ورىس تاريحىنا تامسانۋ قاي ساسقانى؟ سوندا كەزىندە ورىستى قان قۇستىرىپ وتقا وراعان ناپولەون اسكەرىنىڭ بەتىن قازاقتار قايتارعاندا اعامىزدىڭ كۋتۋزوۆ باستاعان باتىرلارى شوشقا تاعالاپ جۇرگەن با؟ ال بۇل ورىس پەن فرانتسۋزدىڭ ءوزى مويىنداعان تاريح! بالكىم بۇنى دا جوققا شىعارىپ قويار..
ايتقانداي قابانباي باتىر جايىندا جازعان جازبانىڭ سوڭعى تۇسىندا كەزىندە ابايدى ۇلىقتاۋ ناداندىق ءھام كۇنا دەگەن اعامىز ۇلى ابايدىڭ سوزدەرىن مىسال رەتىندە قولدانادى. مىرزان اعا ءوز-وزىنە قايشى كەلىپ وتىر. ناقتىلىق جوق! الدە حالىق ۇمىتتى دەپ ويلادى ما؟
ەلگە قۇرمەتتى مىرزان كەنجەباي اعامىزدىڭ قالامى سياعا تولىپ شىداتپاي تۇرسا، كەشەگى وزدەرىن ەركىن تۇردە جاريا ەتكەن لگبت سايتاندارى جايىندا جازسا ابىروي بولار ەدى . مەملەكەتتىك ءتىلدىڭ ماڭىزدىلىعىن ايتسا، جاستارعا رۋھ بەرىلمەي قايدا بارسىن.. ارينە قازىرگى تۇرعىداعى احۋالدىڭ جازارى كوپ. وكىنىشكە قاراي، تۇيسىك بولەك ارنادا جۇرگەنى قىنجىلتادى.
مىرزان اعامىز جازباسىنىڭ سوڭىندا رۋشىلدىق، تايپالىق بولاشاق ۇرپاققا وتە زيان دەي اياقتاپتى. "اعانى كورىپ ءىنى وسەر" دەمەكشى، مەن دە ايتارىمنىڭ سوڭىندا زياندىلىقتى تۇرتە كەتەيىن. ەگەر اعا بۋىن جاستارعا سارا جولىن كورسەتۋدىڭ ورنىنا كۇرەك الىپ ارۋاق مازالاپ جۇرسە، كەيىنگى وسكەلەڭ ۇرپاققا ول دا زيان.
