"Abaıdy búkil ulttyń bas aqyny deý ári kúná, ári nadandyq" degen aqyn Myrzan Kenjebaı nege Qabanbaı batyrdyń arýaǵyna hám batyrlyǵyna shúılikti?
Qazirgi almaǵaıyp zaman týrasynda osy tektes kóleńkeli áńgimeniń otyn kóseýdiń ózi qısynsyz dúnıe. Degenmen ıisi qazaq jerinde aǵa býyn jastarǵa bar aqylyn shelektep quıyp hám qoly qaltasyna jetpeı júrgen jurt muńyn shaǵýdyń ornyna keshegi ór naızasynyń ushyn jaý ókpesine qadaǵan Qabanbaı batyr men sııasy taýsylǵansha kóz maıyn aǵyzyp qazaqtyń qanyna sińgen kemshiligin jylap otyryp jazǵan Abaı arýaqtaryna zildi sóz tıgizip júrgeni ózekten órteıdi.
Myrzan Kenjebaı altyn ýaqytyn shyǵyn qyla Abaıdy baladaı syn arqanyna salǵan maqala ózeginde óziniń jeke toqtala ketken eskilik aqyndaryn izbe-iz dáripteıdi, ıakı qazaq Sarysholaq shaıyr Boranbaıuly, Ábýbákir Kerderi, Esengeldi, Aqpan jyraýlardy oqymaıdy hám aıtpaıdy dep jazady. Sonda keshirińiz, Qabanbaı batyrdy jurt aıtsa rýshyldyq, taıpalyq , júzdilik , tabynýshylyq bolady eken , al atalmysh aqyndardy Abaıdan bıik qoıý qandaı uǵymǵa jatady?! Osynyń bárin synı kózqaraspen aıtatyn aǵamyzdyń ózinen traıbolızmdik kózqarastyń ıisi shyǵyp tur demeske shara joq.
Dúıim qazaq eliniń batyry Qabanbaıdyń jatqan jerine kúmán keltirip hám 103 shaıqasqa shyqqanyn kim sanaǵan deıtindeı ne kún týdy?! Teńestirýge eshteńe tappaǵandaı tarıhty dombyranyń qulaǵyndaı sheberlikpen burmalaıtyn saıqal orys ultynyń jazba tarıhyna zor baǵa berýdiń túpki maqsaty qandaı?! Arnaıy tilge tıek etsek, aǵamyzǵa Kýtýzov, Sývorov, Mýrome batyrlarynyń shaıqastary aqıqat kórinedi. Orys tarıhyna tamsaný qaı sasqany? Sonda kezinde orysty qan qustyryp otqa oraǵan Napoleon áskeriniń betin qazaqtar qaıtarǵanda aǵamyzdyń Kýtýzov bastaǵan batyrlary shoshqa taǵalap júrgen ba? Al bul orys pen franýzdyń ózi moıyndaǵan tarıh! Bálkim buny da joqqa shyǵaryp qoıar..
Aıtqandaı Qabanbaı batyr jaıynda jazǵan jazbanyń sońǵy tusynda kezinde Abaıdy ulyqtaý nadandyq hám kúná degen aǵamyz uly Abaıdyń sózderin mysal retinde qoldanady. Myrzan aǵa óz-ózine qaıshy kelip otyr. Naqtylyq joq! Álde halyq umytty dep oılady ma?
Elge qurmetti Myrzan Kenjebaı aǵamyzdyń qalamy sııaǵa tolyp shydatpaı tursa, keshegi ózderin erkin túrde jarııa etken LGBT saıtandary jaıynda jazsa abyroı bolar edi . Memlekettik tildiń mańyzdylyǵyn aıtsa, jastarǵa rýh berilmeı qaıda barsyn.. Árıne qazirgi turǵydaǵy ahýaldyń jazary kóp. Ókinishke qaraı, túısik bólek arnada júrgeni qynjyltady.
Myrzan aǵamyz jazbasynyń sońynda rýshyldyq, taıpalyq bolashaq urpaqqa óte zııan deı aıaqtapty. "Aǵany kórip ini óser" demekshi, men de aıtarymnyń sońynda zııandylyqty túrte keteıin. Eger aǵa býyn jastarǵa sara jolyn kórsetýdiń ornyna kúrek alyp arýaq mazalap júrse, keıingi óskeleń urpaqqa ol da zııan.
