مەملەكەتتىك رامىزدەر كۇنىنە ارنالعان شاراعا وبلىس اكىمىنىڭ ورىنباسارى باقىتگۇل حامەنوۆا، مەملەكەتتىك قىزمەتكەرلەر، ەرىكتىلەر، سونداي-اق قالا تۇرعىندارى قاتىستى.
ءىس-شارا وڭىردەگى تۋتۇعىر جانىندا اتالىپ ءوتتى. سالتاناتتى شارادا باقىتگۇل حامەنوۆا وبلىس اكىمى ماحامبەت دوسمۇحامبەتوۆتىڭ قۇتتىقتاۋىن جەتكىزدى.
ەلىمىزدىڭ باستى رامىزدەرى – تۋ، ەلتاڭبا جانە گيمن تاۋەلسىز ەلىمىزدە تۇراتىن حالىقتىڭ بىرلىگىن، ەركىندىگىن، تاريحى مەن قۇندىلىقتارىن بەينەلەيدى. تاۋەلسىزدىگىمىزدىڭ تۇمارىنا اينالعان مەملەكەتتىك رامىزدەرىمىز بولاشاققا بەت تۇزەگەن ۇلى كوشىمىزدى دەمەپ، يگى ىستەرىمىزدى قولداي بەرگەي! ءاردايىم ەلىمىز تىنىش، حالقىمىز امان، تۋىمىزدىڭ مارتەبەسى بيىك بولسىن، – دەدى وبلىس اكىمىنىڭ ورىنباسارى.
ءىس- شارا سوڭىندا تۋ تۇعىر الاڭىندا پاتريوتتىق اندەر شىرقالىپ، مەرەكە جايىق وزەنى بويىنداعى تۋ كوتەرگەن كەمەلەر شەرۋىنە جالعاستى.
