كەيبىر وقۋشىلاردىڭ اتا-انالارى مەملەكەت بەرگەن پلانشەتتەردى لومباردقا وتكىزگەن

2345
Adyrna.kz Telegram

باتىس قازاقستان وبلىسىندا وقۋشىلاردىڭ اتا-انالارى قاشىقتان وقىتۋ ءۇشىن بەرىلگەن پلانشەتتەردى لومباردقا وتكىزىپ جىبەرگەن. اتالعان فاكتى بويىنشا قىلمىستىق ءىس قوزعالدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.

وبلىستىق ءبىلىم بەرۋدى دامىتۋ ورتالىعى ديرەكتورىنىڭ ورىنباسارى ارداق ەركامەشەۆا 2020-2021 وقۋ جىلىنىڭ باسىندا رەسپۋبليكالىق بيۋدجەتتەن وقۋشىلاردى وقىتۋ ءۇشىن 14 970 نوۋتبۋك پەن پلانشەت ساتىپ الۋعا ەكى ميلليارد تەڭگە (4,6 ميلليون دوللار) بولىنگەنىن ايتتى.

«باس سانيتار دارىگەردىڭ شەكتەۋلەرىمەن وقۋ جىلىنىڭ سوڭىندا وبلىستىڭ 380 ايماقتىق مەكتەپتىڭ ىشىنەن 100 مەكتەپتە بالالار قاشىقتان وقىتىلدى. مەكتەپ وقۋشىلارىنا قولدانۋعا 7223 نوۋتبۋك پەن پلانشەت بەرىلدى. 25 مامىرعا دەيىن ولار تولىعىمەن قايتارىلۋى كەرەك ەدى، بىراق ولاردىڭ 83-ءى جۇمىس ىستەمەيتىنى انىقتالدى»، - دەدى ارداق ەركامەشەۆا

سونىمەن قاتار ول مەكتەپ پەن اتا-انالار اراسىندا جابدىقتى بەرۋ كەزىندە كەلىسىم جاسالعانىن، وعان سايكەس اتا-انالار بەرىلگەن پلانشەتتەر مەن نوۋتبۋكتەر ءۇشىن جاۋاپ بەرەتىنىن اتاپ ءوتتى. ەگەر تەحنيكا جۇمىس ىستەمەي قالسا، وندا اتا-انالار ورنىنا تەحنيكالىق سيپاتتامالارى سايكەس كەلەتىن جاڭا تەحنيكانى قايتارۋى كەرەك.

كوبىنە پلانشەتتەر بۇزىلعان. مۇنىڭ سەبەبى – بالالاردىڭ ۇقىپسىزدىعى: بالالار ولارعا سۋ قۇيىپ نەمەسە توگىپ جىبەرۋى مۇمكىن. پلانشەت ورتتە جانىپ كەتكەن جاعدايلار بولعان.

«كەيبىر وتباسىلاردا اتا-انالار پلانشەتتەردى لومباردقا وتكىزگەن بىرنەشە جاعداي بولدى، مۇنداي جاعدايلار بويىنشا قىلمىستىق ءىس قوزعالدى. سودان كەيىن سوت تارتىبىمەن زالال وتەلدى»، - دەدى ارداق ەركامەشەۆا.

"ادىرنا" ۇلتتىق پورتالى

پىكىرلەر