Batys Qazaqstan oblysynda oquşylardyŋ ata-analary qaşyqtan oqytu üşın berılgen planşetterdı lombardqa ötkızıp jıbergen. Atalǧan faktı boiynşa qylmystyq ıs qozǧaldy, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Oblystyq bılım berudı damytu ortalyǧy direktorynyŋ orynbasary Ardaq Erkameşeva 2020-2021 oqu jylynyŋ basynda respublikalyq biudjetten oquşylardy oqytu üşın 14 970 noutbuk pen planşet satyp aluǧa ekı milliard teŋge (4,6 million dollar) bölıngenın aitty.
«Bas sanitar därıgerdıŋ şekteulerımen oqu jylynyŋ soŋynda oblystyŋ 380 aimaqtyq mekteptıŋ ışınen 100 mektepte balalar qaşyqtan oqytyldy. Mektep oquşylaryna qoldanuǧa 7223 noutbuk pen planşet berıldı. 25 mamyrǧa deiın olar tolyǧymen qaitaryluy kerek edı, bıraq olardyŋ 83-ı jūmys ıstemeitını anyqtaldy», - dedı Ardaq ErkameşevaSonymen qatar ol mektep pen ata-analar arasynda jabdyqty beru kezınde kelısım jasalǧanyn, oǧan säikes ata-analar berılgen planşetter men noutbukter üşın jauap beretının atap öttı. Eger tehnika jūmys ıstemei qalsa, onda ata-analar ornyna tehnikalyq sipattamalary säikes keletın jaŋa tehnikany qaitaruy kerek. Köbıne planşetter būzylǧan. Mūnyŋ sebebı – balalardyŋ ūqypsyzdyǧy: balalar olarǧa su qūiyp nemese tögıp jıberuı mümkın. Planşet örtte janyp ketken jaǧdailar bolǧan.
«Keibır otbasylarda ata-analar planşetterdı lombardqa ötkızgen bırneşe jaǧdai boldy, mūndai jaǧdailar boiynşa qylmystyq ıs qozǧaldy. Sodan keiın sot tärtıbımen zalal öteldı», - dedı Ardaq Erkameşeva.
"Adyrna" ūlttyq portaly
