قاراعاندىدا كوپقاباتتى ءۇيدىڭ ەكىنشى قاباتىندا ورنالاسقان پاتەردىڭ تەرەزەسىنەن 4 جاستاعى بالا قۇلاپ كەتتى، دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ.
«24 ماۋسىم كۇنى كەشكە قاراعاندى قالاسىنىڭ 14-شاعىناۋدانىندا 2-قاباتتا ورنالاسقان پاتەردىڭ تەرەزەسىنەن 2017 جىلى تۋعان قىز بالا قۇلاپ ءتۇستى. بالانىڭ اتا-اناسى سول ساتتە كورشى بولمەدە بولعان. بالا ءتۇرلى جاراقاتتارمەن مەديتسينالىق مەكەمەگە جاتقىزىلدى»، - دەپ حابارلادى قاراعاندى وبلىسىنىڭ تجد.
دارىگەرلەر بالانىڭ جاعدايى ورتاشا اۋىرلىق دارەجەدە دەپ ءمالىم ەتتى.
«بالانىڭ باس ميى شايقالىپ، جامباس بۋىنى شىعىپ، بالالار جاراقات بولىمىنە جاتقىزىلدى. جاعدايى ورتاشا اۋىرلىقتا دەپ باعالانادى»، - دەپ ءتۇسىندىردى قاراعاندى وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى.
"ادىرنا" ۇلتتىق پورتالى
