الماتى قالاسىنداعى سۋبۇرقاقتا سەگىز جانە ون جاسار ەكى قىزدى توق سوققان بولاتىن. بالالار اۋرۋحانادان شىقتى. بۇل تۋرالى قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ۇلتتىق پورتالى.
«سەگىز جانە ون جاسار قىزدىڭ جاعدايى جاقسارىپ، بۇگىن ۇيىنە شىقتى. ودان ءارى ولاردى ۇيدە باقىلايتىن بولادى. تۇسكەن كەزدە ولارعا ەلەكتر جاراقاتى، ەكەۋىنە دە ءبىرىنشى دارەجەلى كۇيىك دياگنوزى قويىلعان بولاتىن»، - دەيدى بالالارعا شۇعىل كومەك كورسەتۋ ورتالىعى باس دارىگەرىنىڭ ورىنباسارى الۋا جەكسەنوۆا.
الماتى اكىمىنىڭ ايتۋىنشا، وقىس وقيعاعا قاتىستى پوليتسيا تەرگەۋ جۇرگىزىپ جاتىر.
"ادىرنا" ۇلتتىق پورتالى
