قاشىقتان جۇمىس ىستەۋ تۋرالى زاڭ سەناتتا ماقۇلداندى. ەندى قىزمەتى بار قازاقستاندىقتار باسشىسىمەن ءوزارا كەلىسىپ، ۇيىنەن ەڭبەك ەتە الادى. ازاماتتار قالاي، قانداي قۇرالمەن جۇمىس ىستەيمىن دەپ باس اۋىرتپايدى. ويتكەنى جۇمىس بەرۋشى قول استىنداعى مامانعا كەرەك قۇرىلعى مەن سايمانداردى ءوزى تاۋىپ بەرۋگە مىندەتتى دەپ حابارلايدى "ادىرنا" ۇلتتىق پورتالى «ەۋرازيا» ءبىرىنشى ارناسىنا سىلتەمە جاساپ.
زاڭدى دايىنداعان دەپۋتات ناريمان تورەعاليەۆتىڭ سوزىنشە، قاشىقتان جانە ءوز ورنىندا قىزمەت ەتۋشىنىڭ جالاقىسى دا بىردەي بولماق. سونداي-اق دەپۋتات پاندەميادا الەمدەگى ءىرى كومپانيالار قىزمەتكەرلەرىن قاشىقتان نە ارالاس جۇمىس رەجيمىنە وتكىزگەنىن ايتىپ، قازاقستان دا تىڭ باستامادان قالىس قالماۋى كەرەكتىگىن العا تارتتى. سونىمەن دەپۋتاتتار قۇجاتقا 44 تۇزەتۋ ەنگىزىپ، ونى پرەزيدەنتكە جولدادى.
"ەڭبەك شارتى تاراپتارىنىڭ كەلىسۋى بويىنشا قاشىقتان جۇمىس ىستەيتىن جۇمىسكەرلەر ءۇشىن جۇمىس ۋاقىتىنىڭ جيىنتىق ەسەبىن قولدانا وتىرىپ، يكەمدى جۇمىس ۋاقىتى رەجيمى بەلگىلەنۋى مۇمكىن. سونىمەن بىرگە، ورىندالاتىن جۇمىس كولەمى ساقتالعان جاعدايدا جۇمىس بەرۋشىگە، قاشىقتان جۇمىس ىستەيتىن قىزمەتكەردىڭ جالاقىسىن تومەندەتۋگە مۇمكىندىك بەرمەيتىن نورما ەنگىزىلدى", — دەيدى سەناتور ناريمان تورەعاليەۆ.
"ادىرنا" ۇلتتىق پورتالى.
