رەسەيلىك اسا ءىرى جۇك تاسىمالدايتىن «ۆولگا-دنەپر» كومپانياسى 28 ماۋسىمنان بااستاپ بەلارۋس اۋە كەڭىستىگىنەن ۇشپايتىن بولدى. بۇل ارەكەتكە باتىستىڭ مينسككە سالعان سانكتسيالارىنان كەيىن بارعان.
«ءبىز راسىمەن دە ۋاقىتشا بەلارۋس اۋە كەڭىستىگىن قولدانباۋعا شەشىم قابىلدادىق»، — دەدى كومپانيا وكىلدەرى.
ولار قاشانعا دەيىن بەلارۋس اسپانىن پايدالانبايتىنىن ناقتىلامادى. رەسەي بيلىگى دە بۇل شەشىمگە قاتىستى جاۋاپ بەرۋدەن باس تارتتى.
ەو ەلدەرىنەن كەيىن اقش پەن ۇلىبريتانيا مينسككە سانكتسيالار سالعان ەدى. وعان سەبەپكەر بولعان جايت Ryanair كومپانياسىنىڭ ۇشاعىن كۇشپەن قوندىرىپ، رومان پروتاسەۆيچتى تۇتقىنداۋى بولاتىن. ەۋروپا ەلدەرى بەلارۋس اۋە كەڭىستىگىن قولدانعان ۇشاقتاردى قابىلدامايتىنىن ەسكەرتكەن. رەسەيلىك اۋە كومپانيالارى باتىستىڭ سانكتسياسىنان سەسكەنىپ، بەلارۋس كەڭىستىگىن پايدالانۋدان باس تارتۋدا.
"ادىرنا" ۇلتتىق پورتالى
