قازاقستاندا 4,5 مىڭنان استام ادامنىڭ قۇجاتسىز جۇرگەنى انىقتالدى. بۇل تۋرالى ءىىم كوشى-قون كوميتەتى توراعاسىنىڭ ورىنباسارى سابىرجان سەيىتجانوۆ وكق-دا وتكەن بريفينگتە مالىمدەدى، دەپ حابارلايدى «ادىرنا» ۇلتتىق پورتالى.
«قازاقستاندا قۇجاتسىز جۇرگەن 4 686 ادام انىقتالدى. ولار نەگىزىنەن الماتى، قاراعاندى، تۇركىستان، اقمولا جانە جامبىل وبلىستارىندا تۇرعان. بۇگىندە قۇجاتسىز وسى ازاماتتاردىڭ 3 408-نە جەكە كۋالىك بەرىلدى. ال قالعان 1 278 ادامدى قۇجاتتاندىرۋ جۇمىسى ءجۇرىپ جاتىر»، - دەدى ءىىم وكىلى.
سابىرجان سەيتجانوۆتىڭ ايتۋىنشا، 1 797 ادامنىڭ كسرو-نىڭ قىزىل پاسپورتىمەن جۇرگەنى بەلگىلى بولعان.
"ادىرنا" ۇلتتىق پورتالى
