TikTok الەۋمەتتىك جەلىلەر اراسىندا جاستار ءۇشىن ەڭ قاۋىپتى قوسىمشا ەكەندىگى انىقتالدى دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەر مەن مەسسەندجەرلەردىڭ كاسىبي قولدانۋشىلارى قاۋىمداستىعىنىڭ ساراپشىلارى TikTok قوسىمشاسىندا جاسوسپىرىمدەر اراسىندا ءسۋيتسيدتى ناسيحاتتايتىن «كوك كيت» تاقىرىبىنا بايلانىستى ءار ءتۇرلى جولمەن 1,7 مىڭعا جۋىق ۆيدەو انىقتاعان.
وسىلايشا بۇگىندە جاستار اراسىندا كەڭىنەن تانىمال بولعان بۇل قوسىمشانىڭ جاستاردىڭ ساناسىن ۋلاپ، ولاردى سۋيتسيدكە "ۇگىتتەيتىنىن" ماماندار مويىنداپ وتىر.
«الەۋمەتتىك جەلىلەر مەن مەسسەندجەرلەردىڭ كاسىبي قولدانۋشىلار قاۋىمداستىعى TikTok-تىڭ ءولىم توپتارىنا قاتىستى حەشتەگتەرمەن مازمۇندى تاراتۋ بويىنشا ءابسوليۋتتى كوشباسشىعا اينالعانىنا الاڭدايدى جانە روسكومنادزوردان ءوزىن-ءوزى ولتىرۋگە قارسى ءىس-قيمىلدىڭ قاناعاتتانارلىقسىز جۇمىسىنا بايلانىستى شەتەلدىك الەۋمەتتىك جەلىلەرگە قاتىستى شارا قولدانۋدى سۇرايدى»، — دەلىنگەن اتالعان قاۋىمداستىقتىڭ ۇندەۋىندە.
ساراپشىلار بيىلعى جىلدىڭ ناۋرىز-ماۋسىم ايلارى ارالىعىندا TikTok-تان باسقا Facebook, Instagram جانە ۆكونتاكتە جەلىلەرىن زەرتتەپ، جاستاردى ولىمگە يتەرمەلەۋ مازمۇنىنداعى ماتەريالداردى تالداعان.
ال TikTok قوسىمشاسىنىڭ وكىلدەرى جەلىنى قولداۋشىلار ءۇشىن ەشقانداي قاۋىپ جوق ەكەندىگىن جەتكىزگەن.
ايتا كەتۋ كەرەك، بۇعان دەيىن دە شەتەلدىك ساراپشىلار بۇل قوسىمشانىڭ بالالاردىڭ پسيحيكاسىنىڭ كەرى اسەر ەتەتىنىن، سونداي-اق TikTok ادامداردىڭ جەكە مالىمەتتەرىن قارايتىنىن ايتقان بولاتىن.
ال وتكەن جىلى اقش ۇكىمەتى TikTok پەن WeChat ء"وز پايدالانۋشىلارىنان ۇلكەن كولەمدە اقپارات الادى" دەگەندى العا تارتىپ، بۇل قوسىمشادان باس تارتۋ تۋرالى ماسەلە قوزعاعان بولاتىن.
ءبىزدىڭ ەلىمىزدە بۇگىنگى كۇنى بۇل قوسىمشا بارلىق ازاماتتارعا قول جەتىمدى بولىپ وتىر. اسىرەسە، وقۋشىلار مەن ستۋدەنتتەر بۇل جەلىدە بەلسەندى.
"ادىرنا" ۇلتتىق پورتالى.
