تانىمال امەريكالىق كينورەجيسسەر، وسكار سىيلىعىنىڭ يەگەرى وليۆەر ستوۋن “QAZAQ History Of the Golden Man” («QAZAQ: التىن ادامنىڭ تاريحى») دەرەكتى ءفيلمىنىڭ ترەيلەرىن ۇسىندى، دەپ حابارلايدى «ادىرنا» ءتىلشىسى.
تۋىندىدا نۇرسۇلتان نازارباەۆ پەن قازاقستان تۋرالى ايتىلادى. سونداي-اق وليۆەر ستوۋننىڭ ەلباسىمەن بولعان سۇحباتىنان ۇزىندىلەر كەلتىرىلگەن.
جوبا اۆتورى دەرەكتى ءفيلمنىڭ سەگىز ساعاتقا سوزىلاتىنىن مالىمدەدى.
«نازارباەۆتى ءوزىڭىز قالاعانداي اتاڭىز: ديكتاتور، مىقتى ادام، تيران، قۇرىلتايشى. دەسە دە، سوڭىندا ءسىز ەلدىڭ تاۋەلسىز بولۋىن ماڭىزدى دەپ سانايتىن، يادرولىق قارۋدان باس تارتۋ تۋرالى ويلايتىن قاراپايىم ادامدى كورەسىز»،—دەدى ول.
«ادىرنا» ۇلتتىق پورتالى
