رەسەي فەدەراتسياسىنىڭ حالىق ءارتىسى، اكتەر، رەجيسسەر ۆلاديمير مەنشوۆ 5 شىلدە كۇنى 82 جاسقا قاراعان شاعىندا دۇنيەدەن ءوتتى. بۇل جايىندا «موسفيلم» كينوكومپانياسىنىڭ رەسمي سايتى مالىمدەدى. بۇعان دەيىن، 26 ماۋسىم كۇنى ايگىلى رەجيسسەردىڭ COVID-19 دەرتىنە شالدىققانى بەلگىلى بولعان ەدى. «جاقىن جولداسىمىزدى جوعالتتىق، بارشا جاقىندارىنا قايعىرا كوڭىل ايتامىز»،-دەيدى «موسفيلم» كينوكومپانياسى ءوز جازباسىندا.
مەنشوۆ 1939 جىلى 17 قىركۇيەك كۇنى باكۋ قالاسىندا دۇنيەگە كەلگەن. كينو اكتەرى رەتىندە 120-دان استام ءرولدى سومداسا، 30-عا جۋىق فيلمگە رەجيسسەرلىك ەتتى. ونىڭ ەڭ تىرناقالدى تۋىندىسى-«موسكۆا سلەزام نە ۆەريت» 1981 جىلى وسكار جۇلدەسىندە جەڭىسكە جەتكەن.
كينو مايتالمانىن اقتىق ساپارعا اتتاندىرۋ ءراسىمى 8 شىلدە كۇنى ماسكەۋ قالاسىندا وتپەك.
ۇقساس جاڭالىقتار
