زەينەتاقى تولەمدەرىنىڭ ورتاشا مولشەرى (ونىڭ ىشىندە بازالىق زەينەتاقى) 2021 جىلعى 1 شىلدەدەگى جاعداي بويىنشا 99 898 تەڭگەنى قۇرادى، دەپ حابارلايدى «ادىرنا» ءتىلشىسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
2021 جىلدىڭ قاڭتار - ماۋسىم ايلارىندا رەسپۋبليكالىق بيۋدجەتتەن بازالىق زەينەتاقى تولەۋگە 410,8 ملرد تەڭگە، ىنتىماقتى زەينەتاقى تولەمدەرىنە – 928,9 ملرد تەڭگە باعىتتالدى.
2021 جىلعى 1 شىلدەدەگى جاعداي بويىنشا زەينەتكەرلەر سانى 2 ملن 239 مىڭ ادامدى قۇرايدى.
ال بيىل رەسپۋبليكالىق بيۋدجەتتەن زەينەتاقى تولەمدەرىنە 222,3 ملرد تەڭگەدەن استام، ونىڭ ىشىندە بازالىق زەينەتاقىنى تولەۋگە – 68,2 ملرد تەڭگە، ىنتىماقتى زەينەتاقىنى تولەۋگە – 154,1 ملرد تەڭگە باعىتتالدى.
«ادىرنا» ۇلتتىق پورتالى
