قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆتىڭ قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىنە ارنالعان ەتنومادەني بىرلەستىكتەر وكىلدەرىنىڭ قاتىسۋىمەن «ۇزدىك عىلىمي جوبا» رەسپۋبليكالىق كونكۋرسى وبلىستىق كەزەڭىنىڭ قورىتىندىسى بويىنشا قوستاناي قۇرىلىس كوللەدجىنىڭ «ساۋلەت» ماماندىعى بويىنشا 2 كۋرس ستۋدەنتى ولگا ۆىرودوۆا (3 ورىن; عىلىمي جەتەكشىسى: ەلەنا ۆلاديميروۆنا نيچۋباي) جانە قوستاناي اۆتوموبيل كولىگى كوللەدجىنىڭ 1 كۋرس ستۋدەنتى كۋن يۆان (2 ورىن; عىلىمي جەتەكشىسى: ايجان ومىرتايقىزى تايكەنوۆا) جەڭىمپاز اتاندى.
جوبانىڭ ماقساتى: وزگەرمەلى الەم جاعدايىندا قازاقستاننىڭ ەتنوساياساتىن جەتىلدىرۋ بويىنشا جاڭا يدەيالاردى ىزدەستىرۋ. بۇل جوبا ءداستۇرلى بولىپ تابىلادى جانە ونى قوستاناي وبلىسى قازاقستان حالقى اسسامبلەياسىنىڭ عىلىمي-ساراپتامالىق توبى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ قولدانبالى زەرتتەۋلەر جانە حالىقارالىق ارىپتەستىك ورتالىعىمەن بىرلەسىپ جۇرگىزەدى.
جەڭىمپازداردى ماراپاتتاۋ دوستىق ۇيىندە ءوتتى. جەڭىمپازداردى كونكۋرستىق كوميسسيانىڭ توراعاسى، قوستاناي وبلىسى قحا عىلىمي-ساراپتامالىق توبىنىڭ توراعاسى دەنيس كاچەەۆ ماراپاتتادى، ول بارلىق جۇمىستاردىڭ كۇشتى جانە وزەكتى بولعانىن اتاپ ءوتتى جانە جۇلدەگەرلەرگە رەسپۋبليكالىق كونكۋرستا تابىس تىلەدى.
