ءدامى ءتىل ۇيىرەر شيە توسابىن دايىنداۋ ءۇشىن، سىزگە بار بولعانى ەكى-اق ينگرەديەنت قاجەت. بۇل شيە مەن قانت. ال قىستىگۇنى ەش قيىندىقسىز دايىندالعان ءدامدى توساپ جەۋ ءۇشىن، "ادىرنا" پورتالىنىڭ مىنا ماقالاسىن تولىق وقىڭىز.
1-قادام:
پىسكەن شيەنى زاقىمداۋسىز جانە بۇلدىرمەي تاڭداپ الىڭىز. شيەلەردى تەرىپ العان سوڭ، بۇتاقتارى مەن جاپىراقتارىنان تازالاڭىز. مىندەتتى تۇردە جاقسىلاپ جۋىڭىز. قالاۋىڭىزعا قاراي شيەدەن سۇيەكتەرىن الىپ تاستاڭىز. پايدالى كەڭەس: سارىمساق تازالىعىشتى، شيە سۇيەگىن تازالاۋعا پايدالانىڭىز.
2-قادام:
سۇيەگى جوق شيەنى توساپ قايناتاتىن ىدىسقا سالىڭىز. بۇل ەمال ىدىس نەمەسە شىنى ىدىس بولۋى مۇمكىن. تەك جيدەك شىرىنىندا توتىعۋ رەاكتسياسى جۇرمەۋى ءۇشىن اليۋميني ىدىسىن قولدانباڭىز. شيەگە قانت سەبىڭىز دە، قانتتى جيدەكتەر اراسىندا ءبولۋ ءۇشىن ازداپ شايقاڭىز. بارلىق قانتتى بىردەن قوسپاڭىز. ءپىسىرۋ كەزىندە توساپتىڭ ءدامىن تاتىپ، قاجەت بولسا كوبىرەك قوسىڭىز.
3-قادام:
جيدەكتەر سالىنعان ىدىستىڭ قاقپاعىن جاۋىپ، جيدەكتەردەن شىرىن شىعۋى ءۇشىن بىرنەشە ساعاتقا قالدىرىڭىز. سودان كەيىن ىدىستى وتقا قويىڭىز، اراسىندا ارالاستىرىپ وتىرىڭىز. قايناعان كەزدە كوبىك پايدا بولادى - ونى الىپ تاستاۋ كەرەك. توساپتى باياۋ وتتا 5 مينۋت ءپىسىرىڭىز. جيدەكتەردى ءپىسىرۋ كەزىندە جيدەكتەر مولشەرى ازداپ ازايادى.
4-قادام:
توساپ قۇيىلاتىن بانكالاردى جاقسىلاپ جۋىپ شايىڭىز. سودان كەيىن ءوزىڭىز قالاعانداي زارارسىزداندىرىڭىز. ونى ميكروتولقىندى پەشتە، پەشتە نەمەسە قايناعان سۋدا زارارسىزداندىرۋعا بولادى. بانكالاردىڭ قاقپاقتارىن دا زارارسىزداندىرۋدى ۇمىتپاڭىز.
5-قادام:
دايىن بانكالارعا قايناعان دجەمدى قۇيىپ، قاقپاقتارمەن جابىڭىز.
6-قادام:
توساپ بانكالارىن اۋدارىپ، تىعىزدىعىن تەكسەرىڭىز. اباي بولىڭىز! بانكالار وتە ىستىق! توڭكەرىپ، بانكالاردى جىلى كورپەمەن وراپ، تولىعىمەن سالقىنداتىڭىز. توساپتى مۇمكىندىگىنشە باياۋ سۋىتۋ كەرەك. سوندا عانا بۇل تيىمدىرەك بولادى.
7-قادام:
توساپتىڭ سالقىنداتىلعان بانكالارىن ساقتاۋ ءۇشىن سالقىن جەرگە قويىڭىز.
قىس مەزگىلىندەگى ءتاتتى توساپتىڭ راقاتىن كورىڭىز! اس بولسىن!
"ادىرنا" ۇلتتىق پورتالى