نۇر-سۇلتان قالاسىنىڭ شەتىندە ورنالاسقان قوسشى اۋىلى وبلىستىق ماڭىزى بار قالالار قاتارىنا ەندى دەپ حابارلايدى "ادىرنا" ۇلتتىق پورتالى.
بۇل تۋرالى "Akorda.kz" سايتىندا قر پرەزيدەنتى ق.توقاەۆتىڭ قاۋلىسى شىقتى. وندا:
"قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى" 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:
- اقمولا وبلىسىنىڭ تسەلينوگراد اۋدانى ودان قوسشى اۋىلىن ءبولۋ جولىمەن قايتا ۇيىمداستىرىلسىن.
- اقمولا وبلىسى تسەلينوگراد اۋدانىنىڭ قوسشى اۋىلى وبلىستىق ماڭىزى بار قالا ساناتىنا جاتقىزىلسىن.
- وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى", — دەلىنگەن.
ايتا كەتۋ كەرەك، قوسشى اۋىلى — ەلوردانىڭ وڭتۇستىك-باتىسىنداعى ەڭ ءىرى ەلدى مەكەندەردىڭ ءبىرى. بۇل اۋىلدا قازىر 20 مىڭنان اسا ادام تۇرادى.
"ادىرنا" ۇلتتىق پورتالى.
