Google تىيىم سالدى: ۆاكيتسنا سالدىرماعان قىزمەتكەرلەر كەڭسەگە كىرە المايدى

2527
Adyrna.kz Telegram

Google كەڭسەسىنە كورونوۆيرۋسقا قارسى ۆاكتسينا العان قىزمەتكەرلەر عانا كەلە الادى، دەپ حابارلايدى «ادىرنا» ۇلتتىق پورتالى Tengrinews.kz سايتىنا سىلتەمە جاساپ.

كومپانيا كوروناۆيرۋستىڭ جاڭا تولقىنى ورشۋىنە بايلانىستى قىزمەتكەرلەردىڭ قاشىقتان جۇمىس ىستەۋ رەجيمىن الىپ تاستاۋدى 1 قىركۇيەكتەن 18 قازانعا اۋىستىردى.

Google باس ديرەكتورى سۋندار پيچايدىڭ ايتۋىنشا، Google كامپۋستارىنا جۇمىسقا ورالعىسى كەلەتىن قىزمەتكەرلەر ۆاكتسينا الۋى كەرەك. جەڭىلدىك تەك دەنساۋلىعىنا بايلانىستى ۆاكتسينا المايتىن ادامدارعا جاسالادى.

«كامپۋستارعا جۇمىسقا كەلەتىندەردىڭ بارىنە ۆاكتسينا الۋ مىندەتتەلەدى. ءبىز بۇل ساياساتتى اقش-تا الداعى اپتالاردا، ال باسقا ايماقتاردا الداعى ايلاردا جۇزەگە اسىرامىز. ىسكە اسىرۋ جەرگىلىكتى جاعدايلار مەن ەرەجەلەرگە ساي وزگەرەدى»، - دەلىنگەن پيچاي مالىمدەمەسىندە.

سونىمەن قاتار قىزمەتكەرلەرگە 18 قازانعا دەيىن قاشىقتان جۇمىس ىستەۋگە رۇقسات ەتىلدى، ويتكەنى كوپ ادام "دەلتا" شتامىنا بايلانىستى جەرگىلىكتى اۋرۋدىڭ ورشۋىنە الاڭدايدى جانە كەڭسەدە جۇمىس ىستەۋگە قورقادى. ودان كەيىن كومپانيا قىزمەتكەرلەرى كەڭسەدە اپتاسىنا كەمىندە ءۇش كۇن جۇمىس ىستەۋى كەرەك.

الايدا ەرەكشە جاعدايعا تاپ بولعان ادامدار 2021 جىلدىڭ سوڭىنا دەيىن قاشىقتان جۇمىس ىستەي الادى.

"ادىرنا" ۇلتتىق پورتالى

پىكىرلەر