Google keŋsesıne koronovirusqa qarsy vaksina alǧan qyzmetkerler ǧana kele alady, dep habarlaidy «Adyrna» ūlttyq portaly Tengrinews.kz saityna sılteme jasap.
Kompaniia koronavirustyŋ jaŋa tolqyny örşuıne bailanysty qyzmetkerlerdıŋ qaşyqtan jūmys ısteu rejimın alyp tastaudy 1 qyrküiekten 18 qazanǧa auystyrdy.
Google bas direktory Sundar Pichaidyŋ aituynşa, Google kampustaryna jūmysqa oralǧysy keletın qyzmetkerler vaksina aluy kerek. Jeŋıldık tek densaulyǧyna bailanysty vaksina almaityn adamdarǧa jasalady.
«Kampustarǧa jūmysqa keletınderdıŋ bärıne vaksina alu mındetteledı. Bız būl saiasatty AQŞ-ta aldaǧy aptalarda, al basqa aimaqtarda aldaǧy ailarda jüzege asyramyz. Iske asyru jergılıktı jaǧdailar men erejelerge sai özgeredı», - delıngen Pichai mälımdemesınde.Sonymen qatar qyzmetkerlerge 18 qazanǧa deiın qaşyqtan jūmys ısteuge rūqsat etıldı, öitkenı köp adam "delta" ştamyna bailanysty jergılıktı aurudyŋ örşuıne alaŋdaidy jäne keŋsede jūmys ısteuge qorqady. Odan keiın kompaniia qyzmetkerlerı keŋsede aptasyna kemınde üş kün jūmys ısteuı kerek. Alaida erekşe jaǧdaiǧa tap bolǧan adamdar 2021 jyldyŋ soŋyna deiın qaşyqtan jūmys ıstei alady.
"Adyrna" ūlttyq portaly
Ūqsas jaŋalyqtar
